Елорданың Қоғамдық кеңесінің алғашқы отырысы

Нұр-Сұлтан қаласы Қоғамдық кеңесінің алғашқы отырысын мәслихат хатшысы Ерлан Каналимов ашты. Сөз басында ол Қоғамдық кеңес мүшелерін сайлануымен құттықтап, жұмыстарына табыс тіледі. Е. Каналимов Қоғамдық кеңес мүшелігіне үміткерлерден 117 өтініш түскенін, алайда кейіннен 5 кандидат конкурсқа қатысудан бас тартқанын хабарлады. 

Мәслихат хатшысы үлкен ұйымдастырушылық жұмысты орындаған, Қоғамдық кеңес мүшелігіне кандидаттарды іріктеу бойынша сұхбаттасу жүргізген, белгіленген нысан бойынша Бағалау парақтарын толтырған және т.б. іс-шараларды жүргізген Жұмыс тобының мүшелеріне алғысын білдірді. Сайланғандардың ішінде ең көбі, 52 % - әртүрлі қоғамдық ұйымдардың өкілдері, 16% - білім беру жүйесінің қызметкерлері және қалған 32% - ведомстволық бағынысты ұйымдардың өкілдері, кәсіпкерлер, заңгерлер, құрылысшылар. Сұхбаттасу барысында негізгі тізімнен бөлек резервтік тізім дайындалды және егер Қоғамдық кеңестің құрамынан біреу шығып кеткен жағдайда, кеткен адамның орнына кеңестің құрамына резервтік тізімнен қосымша сұхбатсыз кандидат енгізіледі.

Қоғамдық кеңесті қалыптастыру жөніндегі Жұмыс тобының төрағасы Алтынай Танирбергенова сөз сөйледі. Ол Қоғамдық кеңес мүшелерін сайлануымен құттықтап, өзі басқаратын топтың жұмысы аяқталғанын хабарлады.

Сапар Ахметов Қоғамдық кеңес төрағасының кандидатурасы бойынша ұсыныс жасады. Ол төраға ретінде қаланы жақсы білетін, көп жылдар бойы елордада жұмыс істеген, мәслихаттың бұрынғы депутаты, ҚР БҒМ Білім және ғылым саласындағы бақылау комитеті төрағасының орынбасары, Көлік және коммуникация колледжінің директоры - Гаипов Зулфухар Сұлтанұлын ұсынатынын атап өтті.

Рамзия Өмірбаева Сапар Ахметовтың ұсынысын қолдап, Гаиповтың нағыз кәсіпқой, білім беру үздігі екенін, алтыншы сайланымның үздік депутаты болғанын атап өтіп, Қоғамдық кеңес мүшелерінен Зулфухар Сұлтанұлының кандидатурасын қолдауды сұрады.

Қоғамдық кеңестің төрағасы бірауыздан сайланды.

Бұдан әрі Қоғамдық кеңестің отырысы Зулфухар Гаиповтың төрағалығымен өтті.

З. Гаипов Қоғамдық кеңес мүшелеріне бұған дейін Қоғамдық кеңес құрамында 3 комиссия жұмыс істегенін, бірақ елорданың даму стратегиясына сәйкес және қала халқының өсуін ескере отырып, комиссиялар санын 5-ке дейін арттыру қажеттілігі бар екенін хабарлады – бұл ақпараттық-талдау жұмысы мәселелері жөніндегі комиссия, бюджет, экономика және қаржы мәселелері жөніндегі комиссия, әлеуметтік саясат саласында азаматтық қоғамның мүдделерін білдіру жөніндегі комиссия, кәсіпкерлікті дамытудың экономикалық саясаты саласындағы азаматтық-құқықтық қатынастарды қорғау, сондай-ақ заңдылық пен құқық тәртібі мәселелері жөніндегі комиссия, энергия тиімділігі, тұрғын үй-коммуналдық шаруашылық, құрылыс және экология мәселелері жөніндегі комиссия.  

Комиссиялар құрамы мен олардың төрағалары мәселелері бойынша Зейнолла Шибкенов сөз сұрады.    

З. Шибкенов кандидатуралар - Ерлан Қарабалаевты ақпараттық-талдау жұмысы мәселелері жөніндегі комиссияның, Бауыржан Смайыловты бюджет, экономика және қаржы мәселелері жөніндегі комиссияның, Рамзия Өмірбаеваны әлеуметтік саясат саласында азаматтық қоғамның мүдделерін білдіру жөніндегі комиссияның, Есберген Алаухановты кәсіпкерлікті дамытудың экономикалық саясаты саласындағы азаматтық-құқықтық қатынастарды қорғау, заңдылық пен құқық тәртібі мәселелері жөніндегі комиссияның, Юсуп Келиговты энергия тиімділігі, тұрғын үй-коммуналдық шаруашылық, құрылыс және экология мәселелері жөніндегі комиссияның төрағалары ретінде ұсынды.

Қоғамдық кеңес мүшелері дауыс беру алдында комиссиялардың төрағалығына кандидаттарды тыңдау жөнінде ұсыныс білдірді.

Ерлан Қарабалаев Қоғамдық кеңес мүшелеріне орталық және жергілікті атқарушы органдарда қызмет атқарғанын, қазіргі уақытта «Astana ақшамы» және «Вечерняя Астана» басылымдары кіретін «Елорда Аqпарат» медиакомпаниясының директоры болып табылатынын айтты.

Бауыржан Смайылов экономика ғылымдарының кандидаты ғылыми атағы бар екенін, соңғы жылдары қоғамдық қызметпен белсенді айналысқанын, ҚР Парламенті Мәжілісінің III, IV және V шақырылымдарының депутаты болғанын айтты.

Рамзия Өмірбаева 25 жылдан астам мектеп директоры лауазымын атқарып келеді, елорда мәслихатының II және VI сайланым депутаты.

Есберген Алауханов - қылмыстық құқық, криминология және қылмыстық процесс саласындағы танымал ғалым, заң ғылымдарының докторы, профессор, Жазушылар және журналистер одағының мүшесі, бірнеше кітап-оқулықтардың авторы.

Юсуп Келигов қалада 40 жылдан астам еңбек етіп келеді, Құрмет орденінің кавалері, елорда мәслихатының үш сайланымының депутаты.

Қоғамдық кеңес мүшелері ұсынылған кандидатураларды бірауыздан қолдады.

Қоғамдық кеңес төрағасы төрағаның орынбасарын сайлау туралы ұсыныс жасады.

Талқылау барысында Қоғамдық кеңес төрағасының орынбасары болып Шибкенов Зейнулла Рахымұлы сайланды.

Сонымен қатар, 7 адамнан тұратын төралқа сайланды, оның құрамына бес комиссияның төрағалары, Қоғамдық кеңестің төрағасы мен орынбасары кірді.