Наурыз-көже, жәрмеңке және көптеген жүлделер: "Үркерде" көктем мерекесін кең көлемде атап өтті

Тұрғын алабының тұрғындары Наурызды кең көлемде атап өтті. Ұлттық ойындар, қазақтың салт-дәстүрлері мен әдет-ғұрыптарын білуге арналған конкурстар, киіз үйлер мен алтыбақан. Іс-шараны "Үркершілер" жаппай қолдады, ал мерекенің ең белсенді қатысушылары елордалық Дене шынықтыру және спортты дамыту басқармасының тұрмыстық техникасымен марапатталды.

Айта кетейік, жергілікті аула клубына келушілер ерекше көзге түсті. Арнайы ұйымдастырылған жәрмеңкеде балалар магниттер, шағын мүсіндер мен кондитерлік өнімдерді сатты. Мерекелік көңіл-күйге қалалық филармония музыканттары, "Үркер" аула клубы мен жергілікті ақсақалдар кеңесінің хорлары, сондай-ақ талантты орындаушы Дархан Ажмолдаевта өнерін көрсетті. 69-шы мектеп-гимназия да шетте қалмады, оның асханасында таңертең бауырсақ пен 80 литр Наурыз көже пісірілді.

"Мұндай іс-шараларды тұрғындар сағынғандығын көзбен көруге болады. Мұны Мен жақында 8 наурыз қарсаңында тұрғын үй алабында ұйымдастырған "Urker Aueni" фестивалінде байқадым. "Үркершілер" тағы да өздерінің ұйымшылдығын көрсетіп, көктемнің басты мерекесін белсенді түрде атап өтті. Жақында Мемлекет Басшысы Қасым – Жомарт Тоқаев атап өткендей, қасиетті Наурыз-бұл игілік, бірлік, мейірімділік пен өзара құрмет мерекесі. Осы мүмкіндікті пайдалана отырып, баршаңызды Наурыз мерекесімен тағы да құттықтаймын және "Үркершілермен" бірге алда бірнеше мерекені атап өтетінімізге сенімдімін", - деді қалалық мәслихат депутаты Назгүл Мақжан.