Құрметті елорда тұрғындары мен қонақтары!
20.03.2022
Ұлыстың ұлы күні – Наурыз мейрамы құтты болсын!
Әз Наурыз – ғасырлар бойы ұлтымызбен бірге жасап келе жатқан ұлық мейрам. Сондықтан халқымыз бұл мерекені ерекше көңіл-күймен қарсы алады.
Наурызда күн мен түн теңесіп, жер жүзі жадырайды, қиындық артта қалып, жаңа тіршілік басталады. Халқымыз Наурызды жыл басы санап, ерекше қадірлеген.
Бұрын араздасқан кісілер Наурызда қайта табысып, барлық жаманшылық ұмытылады. Адамдар бір-біріне жақсылық тілеп, жер беті қуанышқа кенеледі.
Наурыз халқымыздың төл мәдениеті, тілі мен ділі, салт-дәстүрінің айнасы. Ақ түйенің қарны жарылып, шат-шадыман күй кешкізетін әз Наурыз сонысымен де ыстық.
Сіздерді Ұлыстың ұлы күнімен құттықтай отырып, шаңырақтарыңызға шаттық, ырыс пен береке тілеймін!
Ұлыс оң, ақ мол болсын, қайда барсақ, жол болсын!
Наурыздан наурызға тек жақсылықпен жете берейік!
Ізгі ниетпен,
Нұр-Сұлтан қаласы Мәслихытының хатшысы Е.Каналимов