Елорданың Қоғамдық кеңесінің отырысы өтті

Нұр-Сұлтан қаласының Қоғамдық кеңесінің төрағасы Сансызбай Сейітжанұлы Есіловтың төрағалығымен қазіргі құрамның соңғы отырысы өтті. Талқылауға үш нормативтік құқықтық акт шығарылды. Жұмыспен қамту және әлеуметтік қорғау басқармасының басшысы Сәуле Нұрғожина Ұлы Отан соғысындағы Жеңіс күнін мерекелеуге байланысты 2022 жылы Ұлы Отан соғысы ардагерлеріне қосымша әлеуметтік көмек көрсету және Астана қаласы мәслихатының 2017 жылғы 12 желтоқсандағы «Нұр-Сұлтан қаласында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидалары туралы» шешіміне өзгеріс енгізу туралы мәслихат шешімдерінің жобаларын ұсынды. Ұсынылған шешімдердің жобалары Қоғамдық кеңес мүшелерімен келісілді және бірауыздан мақұлданды.

Қалалық орта сапасы және бақылау басқармасы басшысының орынбасары Айдын Молдағалиев Қоғамдық кеңес мүшелерін Нұр-Сұлтан қаласы әкімдігінің 2021 жылғы 4 тамыздағы «Нұр-Сұлтан қаласының аумағында карантиндік режимді енгізе отырып, карантиндік аймақтарды белгілеу туралы» қаулысына енгізілетін өзгерістер мен толықтырулармен таныстырды. Талқылау қорытындысы бойынша қаулы жобасы ескертусіз мақұлданды.

Елорданың Қоғамдық кеңесінің жұмысын қорытындылай келе, оның төрағасы Сансызбай Есілов үш жыл ішінде атқарылған жұмыстар туралы қысқаша ақпарат берді. Өткен кезеңде 58 отырыс өткізілді, онда 234 мәселе қаралды, оның ішінде 198 нормативтік құқықтық актілер. Отырыстарда азаматтардың құқықтары мен бостандықтарын қозғайтын нормативтік құқықтық актілер қаралып, қала тұрғындарының проблемалық мәселелері талқыланды. Бұл көше-жол желісін дамыту; қоғамдық көлік жұмысы; тұрғын үй құрылысы; медициналық қызмет көрсету мәселелері; балалар мен жасөспірімдер үшін спорт секцияларының қолжетімділігі; елорданы газдандыру; тұрғындар арасында коронавирустық инфекцияның одан әрі таралуының алдын алу және қаладағы эпидемиологиялық жағдайдың жақсаруы және басқалар.

Көшпелі отырыстар өткізіліп, қалалық басқарма басшыларының есептері тыңдалды. Қоғамдық кеңес мүшелерінің қала әкімімен және оның орынбасарларымен кездесулері дәстүрлі болды.

Қоғамдық кеңес мүшелерінің көмегімен қала тұрғындары көтерген көптеген мәселелер оң шешімін тапқанын атап өткен жөн. Бұл қаланың шет аймақтарын абаттандыру, Нұр-Сұлтан қаласы бойынша тұрмыстық қатты қалдықтарды жинауға, әкетуге, қайта өңдеуге, кәдеге жаратуға және көмуге қолайлы тарифтерді қабылдау, қоғамдық көлікте жол жүру ақысын қолма-қол ақшасыз төлеу тәсіліне көшу, әлеуметтік объектілер мен ескі қаланың тар көшелерінің маңындағы аумақтарды ірі бизнес объектілерінің, әкімшілік көп қабатты ғимараттардың, паркоматтардан босату және басқа да мәселелер.

Сансызбай Сейітжанұлы Қоғамдық кеңестің барлық мүшелеріне тиімді және жемісті жұмысы үшін зор ризашылығын білдіріп, қаланың өзекті мәселелерін шешуге белсенді қатысқаны үшін алғысын білдірді, барлығына сәттілік және қоғамдық қызметте табыс тіледі.