Елорданың Қоғамдық кеңесінің отырысы өтті
16.02.2022
Қоғамдық кеңес мүшелері өз отырысында Нұр-Сұлтан қаласының 2022-2023 жылдарға арналған басым спорт түрлерінің өңірлік тізбесін бекіту мәселелерін талқылады.
Дене шынықтыру және спорт басқармасы басшысының м.а. Самат Жылқыбаевты тыңдағаннан кейін Қоғамдық кеңес мүшелері спорт түрлерін саралау тәртібін айқындау кезінде дұрыс шешім қабылдау үшін Нұр-Сұлтан қаласында басым спорт түрлерінің өңірлік тізбесін айқындау жөніндегі комиссия құрамына танымал спортшылар мен жаттықтырушыларды қосу мәселесін зерделеу қажеттігін атап өтті. Сондай-ақ, «А», «В» топтарына жатқыза отырып, қысқы спорт түрлерін (шаңғы жарысы, мұзда мәнерлеп сырғанау) дамытуға ерекше назар аударуды талап етеді. Олимпиадалық емес спорт түрінің «Спорттық балық аулау» санатын қайта қарау ұсынылды.
Жалпы қала әкімдігі қаулысының жобасы айтылған ескертулерді ескере отырып мақұлданды.
Білім басқармасының басшысы Қасымхан Сенғазыев ұсынған «Техникалық және кәсіптік, орта білімнен кейінгі білімі бар кадрларды даярлаудың 2021-2025 оқу жылдарына арналған мемлекеттік білім беру тапсырысын бекіту туралы» Нұр-Сұлтан қаласы әкімдігінің қаулы жобасы ескертусіз мақұлданды.