Елордалық мәслихат депутаттары үйлерді бұзуға рұқсат беру ережесіне енгізілген жаңа өзгерістерді бекітті

Елорда мәслихатының хатшысы Ерлан Каналимов тұрғын үй алаптарының тұрғындарына үндеу жолдады. Әлеуметтік желілердегі парақшаларда ол иелерінде құқық белгілейтін құжаттардың толық пакеті бар тұрғын үй алаптарында орналасқан жеке тұрғын үйлерді қайта құру (қайта жоспарлау, қайта жабдықтау) және бұзу жөніндегі мәселе шешілгенін айтты. Қалалық мәслихат депутаттары үйлерді бұзуға, кейіннен жаңа тұрғын үй салуға рұқсат беру ережесіне жаңа өзгерістерді бекітті. "Шаршы алаң" қағидаты жойылып, рұқсат беру құжаттарының саны қысқарады. Бұл рәсімдерге рұқсатты сәулет басқармасына жүгінгеннен кейін беріледі. Осыдан кейін апатты үйлердің иелері оларды бұзып, осы жерде жаңа тұрғын үй сала алады.