Елорданың Қоғамдық кеңесінің отырысы өтті

Мәдениет саласындағы коммуналдық кәсіпорындар өндіретін және өткізетін тауарлардың (қызметтердің, жұмыстардың) бағаларын талқылаудан Қоғамдық кеңес мүшелері өз жұмыстарын бастады.

Бұл мәселені талқылау барысында азаматтық қоғам өкілдері қызығушылық пен алаңдаушылық білдірді. Оқушылар мен студенттердің мұражайларға бару бағалары туралы мәселе қызу талқыланды. Өйткені, мұражайлар мәдени-тарихи дәстүрлер мен құндылықтарды зерттеу және сақтау орталықтары болып табылады, мұражайларға бару өскелең ұрпақтың бойында патриотизм, өткенге қатыстылық пен құрмет сезімін тәрбиелейді. Сонымен қатар, мұражайларға бару балалар мен ата-аналарды біріктіреді. Осыған байланысты, оқушылар мен студенттердің қала мұражайларына баруға қызығушылығы мен қолжетімділігін қамтамасыз ету үшін Қоғамдық кеңес мүшелері осы санат үшін бағаны көтермеуді ұсынды.

Сонымен қатар, шетел азаматтары мен өзге де санаттағы азаматтар, соның ішінде Еуразиялық экономикалық одаққа мүше мемлекеттердің азаматтары үшін билет бағасын қайта қарау мәселесін зерделеу ұсынылды.

Мәдениет саласындағы мәселелерді талқылай отырып, Қоғамдық кеңес мүшелері Тәуелсіздік Сарайы мен Бейбітшілік және келісім сарайының қызметіне қызығушылық танытты. Нәтижесінде жұмыс тобын ұйымдастыру және «Нұр-Сұлтан қаласының мәдениет басқармасы» ММ-мен «Нұр-Сұлтан қаласының Активтер және мемлекеттік сатып алу басқармасы» ММ-мен бірлесіп, жақын арада жоғарыда көрсетілген мәдениет объектілерінің қызметімен танысу мақсатында оларға баруды ұйымдастыру туралы шешім қабылданды.  

Сондай-ақ, Қоғамдық кеңес мүшелері «Нұр-Сұлтан қаласының Жұмыспен қамту және әлеуметтік қорғау басқармасы» ММ ұсынған екі нормативтік құқықтық актіні қарады. Мәслихаттың екі шешімі мен әкімдік қаулысы оларда көзделген іс-шаралардың орындалуына байланысты күші жойылды деп танылды.

Қоғамдық кеңестің жұмысына мемлекеттік мекемелердің, бұқаралық ақпарат құралдарының өкілдері қатысты.