Елорданың әлеуметтік объектілерін салу
26.01.2022
Қалалық мәслихатта мәслихат хатшысы Ерлан Каналимовтың төрағалығымен «Құрылыс басқармасының елорданың салынып жатқан әлеуметтік объектілері (білім беру, денсаулық сақтау, мәдениет, спорт, мемлекеттік тұрғын үй объектілері) бойынша есебі» талқыланды.
Құрылыс басқармасының басшысы Әрсен Жаңғасқанов сөз сөйлеп, депутаттарға тұрғын үй және білім беру нысандары құрылысының жай-күйі туралы баяндады.
Өткен жылы 8 көппәтерлі тұрғын үй кешені пайдалануға берілді, МЖӘ аясында мектептердің құрылысы аяқталды, оның ішінде 28 көше, 38 көшедегі (Nova Citi) 2000 орындық мектеп; Бұқар Жырау көшесі және №38 көшедегі (Capital Park) 2000 орындық мектеп; А.Байтұрсынов көшесі, А78, А92, А56 көшелердегі 2000 орындық мектеп; Е20, Е33, Е17 көшелердегі (Жағалау) 2000 орындық мектеп. Сондай-ақ, Көктал (Сарыарқа ауданы), Өндіріс (Байқоңыр ауданы) тұрғын алаптарындағы екі дене шынықтыру-сауықтыру кешенінің (ДСК) құрылысы аяқталды.
2022 жылға арналған жоспарда құрылысы материалдардың қымбаттауына байланысты ұзаққа созылған көп пәтерлі тұрғын-үй кешендерін аяқтау, стратегиялық міндет - білім беру объектілерін салу бойынша жұмысты жалғастыру тұр. Атап айтқанда, 2022 жылы Ұлы Дала даңғылы мен №38 көше, Қарасай батыр және Бұланды көшелеріндегі 1200 орындық мектепті, №65 мектепке, №44 мектепке, Сауран көшесіндегі №59 мектепке қосымша құрылыс салуды аяқтау жоспарлануда. МЖӘ аясында Е51 көшесіндегі 2000 орындық мектепті (Zam Zam), Рысқұлов және Қайсенов көшелерінің бойындағы 2000 орындық мектепті (Делюкс Таун), Омаров көшесі мен Мұхаметханов көшелеріндегі (Sat-City) 2000 орындық мектепті, Қабанбай батыр даңғылындағы (Поколение) 1200 орындық мектепті аяқтау жоспарлануда. Сондай-ақ, Ильинка және Железнодорожный тұрғын алаптарындағы дене шынықтыру-сауықтыру кешендерінің құрылысын аяқтау жоспарланды.
Депутат Асқар Смағұлов құрылыс басқармасының ақпаратында МЖӘ аясында салынып жатқан мектептер бойынша шығындар сомасы көрсетіліп, ал мемлекеттік мектептер бойынша сома көрсетілмегеніне наразылығын білдірді. Екінші сұрақ мердігердің қызметіне қатысты болды, депутат шарттың неге байланысты бұзылғанын сұрады. Депутат атап өткендей, әрбір ДСК үшін бюджеттен 1,5 млрд. теңгеден астам қаржы жұмсалады, нәтижесінде шаршы метрдің құны 500 мың теңгеден асады. Смағұлов смета бойынша құн айтарлықтай қымбаттырақ деп атап өтті, өйткені сэндвич панельдері соншалықты қымбат бола алмайды. Ол мемлекеттік мектептердің құны туралы ақпарат беруді сұрады.
Төрағалық етуші құрылыс басқармасына ЖСҚ-ның толық және сапалы орындалуын қамтамасыз ету мақсатында құжаттамаға не енгізілгенін білу үшін ЖСҚ-ны зерделеуді ұсынды. Талқылау барысында депутаттар БЖСМ-нің жаңа ДСК-не ескі жабдықпен кіруінің тиімсіз жағдай екенін атап өтті. Тұрғындар ДСК-ның ашылуын күтуде және бұл ретте тұрғындардан ескі жабдықтарға қатысты ескертулер болатыны сөзсіз.
Ерлан Каналимов конкурсқа жосықсыз мердігерлердің қатысып, нәтижесінде тапсырыс берушіге залал келтіруі жағдайын болдырмау қажеттігін атап өтті. Егер кәсіпорын бойынша міндеттемелерді жосықсыз орындау жөнінде бірнеше арыз болса, уәкілетті органдар оларға қатысты нақты шаралар қабылдауы қажет. Каналимов мердігерлерге қатысты бірнеше арыз бола тұра, ұйымның атауы, жарғысы өзгермеген жағдайдың өзінде бағдарлама әкімшілері сол жосықсыз мердігерге түсетінін айтты. Нәтижесінде бюджет қаражаты жұмсалады және бағдарламалардың орындалмай қалу жағдайы орын алады.
Депутат Бақдәулет Жанділдаев 30 жасқа толмаған жастарға арналған өткен жылғы тұрғын үй бағдарламасына қатысты сұрақ қойды. Алғашында жастар 1500 пәтер, содан кейін 800 пәтер алады деген ақпарат болды, бірақ әлі күнге дейін 800 пәтердің жартысына жуығы да дайын емес. Мәселен, Айнакөл көшесіндегі үйлерде әлі күнге дейін жөндеу жұмыстары жүріп жатыр. Екінші сұрақ ағымдағы жыл бойынша - 1500 пәтер бөлінеді деген тағы ақпарат бар. Депутат жағдай қайталануы мүмкін деп қауіптенді. Үшінші сұрақ конкурсты өткізу мерзіміне қатысты қойылды, конкурс жыл сайын қараша-желтоқсан айларында өткізіледі, нәтижесінде уәде етілген 1500 үйдің құрылысы аяқталған жоқ және 800 пәтер де толық дайын емес. Бүгінгі күні 500 пәтер ғана қоныстандырылған.
Мәслихат хатшысы өткен жылы салынған көппәтерлі тұрғын-үй кешендері мәселесін көтерді. Кейбір үйлерде кірме жолдар жоқ, сондықтан бұл мәселенің шешілуін созбау үшін 20-ға жуық үй бойынша абаттандыру, көгалдандыру, кірме жолдар салу мерзімдері көрсетілген және барлық жауапты тұлғалардың қолдары қойылған кесте дайындауды сұрады. Үй 2019 жылы пайдалануға беріліп, ал абаттандыру 2021 жылы аяқталған жағдайлар, бір жерде паркинг жоқ, бір жерде көтеру механизмі жұмыс істемейтін және т.б. жағдайлар кездеседі. Депутаттарға әр үй бойынша не болып жатқандығы, мәселенің қазір қай кезеңде екені, кім орындайтыны, қандай мерзімде аяқталатыны туралы объективті ақпарат берілуі керек. Биыл қанша мектеп аяқталды, қаншасын аяқтау жоспарлануда.
Ерлан Каналимов білім басқармасының басшысына проблемалық мәселелері бар мектептердің жабдықтау, аумағын абаттандыру бойынша мәселесін талқылау үшін директорларын жеке жинауды тапсырды. Жаңа мектептердің жанында ағаштар жоқ екені белгілі. Көктемге сенбіліктерді бюджет қаражатына емес, осы мектептерді салғандардың кепілдік міндеттемелері аясында жоспарлау қажет. Жаңа мектептерге көлік ағыны бойынша мәселелер бар, қазіргі уақытта онда бей-берекеттік орын алуда. Бұрын көлікпен кіру, көлікті қою бойынша нақты схемалар болған, кептелісті болырмау үшін айналма қозғалыс қолданылған. Осы ережелерді қайтадан қолданысқа енгізу қажет. Биыл 15 мектеп, келесі жылы 15 мектеп тапсырылады, ал жабдықтау, абаттандыру, кірме жолдар бойынша мәселелер шешіліп жатқан жоқ.
Сондай-ақ, мәслихат хатшысы оң жағалаудағы ескі мектеп ғимараттарының проблемаларын шешуге назар аударды. Көп пәтерлі тұрғын үйлердің арасында орналасқан №2 мектеп, №25 мектеп, сондай-ақ №22 мектеп бойынша мәселе көптен бері шешілмей келеді. 19 мектеп күрделі жөндеуді немесе қосымша құрылысты қажет етеді, №4 мектепте әлі күнге дейін спорт алаңы жоқ. Жақын маңдағы 4 жеке үйді бұзу мәселесін зерттеу ұсынылды, нәтижесінде қосымша құрылыс пен спорт алаңын салу мүмкіндігі пайда болар еді.
Мәслихат хатшысы құрылысқа қатысты білім беру, мәдениет және спорт мәселелерін зерделеу үшін басқарманың әрбір басшысын жеке тыңдауды ұсынды, жан басына шаққандағы қаржыландыру бойынша шұғыл шешуді қажет ететін мәселелер бар. Мәдениет және спорт саласында жан басына шаққандағы қаржыландыру бойынша пилоттық жоба пысықтауды талап етуі мүмкін, қазір қағидаларға өзгерістер енгізу бойынша ұсыныстар жасау қажет, өйткені мұндағы мақсат неғұрлым көп баланың қамтылуын көрсету емес, балалардың тегін спорт секцияларына және шығармашылық үйірмелерге қатысуы маңызды, жобаның орындалуы бақыланбайды.
Отырыс барысында депутаттар Өндіріс т.а. Денсаулық орталығына қатысты мәселені көтерді, онда медициналық мекеме, Достық ОДА филиалы бар, оны жөндеуге болады, өйткені емхана құрылысы ұзақ процесс. Басқармалар тарапына олар мердігерден 3 жылдық кепілдік міндеттемелерін орындауды талап ету құқығын іс жүзінде пайдаланбайды деген сын айтылды, мұндай жағдайлар сирек кездеседі.
Ерлан Каналимов мемлекеттік бағдарлама аясында соңғы екі жыл ішінде іске қосылған үйлер бойынша талдау дайындауды ұсынды, олар бойынша бастапқыда ең болмағанда әр ауданда кемінде бір-бірден ПМПК орналастыру қажет.
Отырыс соңында мәслихат хатшысы басқарма басшыларынан алдағы есептерге мұқият дайындалуды, оның ішінде құрылыс басқармасына жобалау сатысында, сараптама сатысында, мемлекеттік сатып алу сатысында қандай объектілер бар, жоба қай жылғы, т.б. мәселелер, көлік, денсаулық сақтау, білім басқармасына да осындай мәселелер бойынша толық ақпарат дайындауды сұрады.