Қоғамдық кеңестің отырысы туралы

Сансызбай Есіловтың төрағалығымен өткен елорданың Қоғамдық кеңесінің отырысында өзекті мәселелер талқыланды.

Отын-энергетика кешені және коммуналдық шаруашылық басқармасының қаланың инфрақұрылымдық жобаларының жай-күйі мен даму перспективалары, елордада газбен жабдықтау және сумен жабдықтау мәселелерін шешу жоспарлары туралы есебі тыңдалды.  

Талқылау барысында Қоғамдық кеңес мүшелері М.К. Мұстафин,
М. Д. Еркетаев, Л.И. Тё, Ж.С. Нұрғалиев, Смайылов Б.А., Есилов С. С.,
Оралов М. А. газдандыру жобасы бойынша жобалау-іздестіру жұмыстарына бюджет қаражатын уақтылы бөлмеу, мердігерлік ұйымды анықтауға конкурстық рәсімдерді өткізу қала тұрғындары үшін қауіпсіз және сенімді өмір сүруді қамтамасыз етуде белгілі бір проблемалар тудыратынын атап өтті. 

Бүгінгі таңда Оңтүстік-Шығыс, Казгородок, Көктал, Өндіріс, Интернациональный, Мичурино, Промышленный сияқты жеке құрылыс аудандарында сумен жабдықтау және су тарту жүйесі проблемалары бар. Интернациональный т.а. жаңа сорғы сүзгі станциясының кешенін салу үшін жер учаскелерін алып қою рәсімінің уақтылы жүргізілмеуіне байланысты Интернациональный және Мичурино тұрғын алаптарының тұрғындары үшін су тарту мәселесі шешілмей отыр.

Талқылау қорытындысы бойынша Қоғамдық кеңес мүшелері есеп келісілмеген және 2022 жылы қаңтарда жұртшылықты және қаланың барлық мүдделі мекемелері мен ұйымдарын тарта отырып, осы мәселені қарауға оралу туралы шешім қабылданды.

Активтер және мемлекеттік  сатып алу басқармасының басшысы Ерсін Өтебаевтың Астана активтерін басқару бағдарламасын орындау және
Нұр-Сұлтан қаласының Қоғамдық кеңесінің 2020 жылдың 10 желтоқсандағы ұсынымдарын іске асыру жөніндегі есебімен танысқан Қоғамдық кеңес мүшелері В.А. Сергеев, С. С. Есилов, Е. А. Бағдатов, Б. Ә. Смайылов,
Ж. С. Нұрғалиев, М. А. Оралов ұсынымдарды іске асыру жөніндегі іс-шараларды жалғастыруды ұсынды. Бұл ретте нысандардың қала балансына уақтылы берілуіне назар аударылсын. Коммуналдық меншік объектілерін, әсіресе №1 автобус паркін жекешелендіру мәселесін шешу кезінде қала тұрғындарының мүдделерін ескеру, қалалық көлікпен көрсетілетін қызметтер деңгейі мен сапасының төмендеуіне жол бермеу қажет. Талқылау қорытындысы бойынша басқарманың есебі мақұлданды және назарға алынды. 

«Нұр-Сұлтан қаласы бойынша бюджет қаражаты көлемі шегінде балаларға қосымша білім беруге 2022 жылға арналған мемлекеттік білім беру тапсырысын бекіту туралы» мәселе белсенді талқыланды. Талқылау қорытындысы бойынша балалар мен жасөспірімдерді, әсіресе қала шетіндегі балаларды қосымша біліммен көбірек қамту бойынша іс-шараларды жалғастыру ұсынылды.  Қоғамдық кеңес мүшесі Жанат Нұрғалиев қайталануды болдырмау үшін дене шынықтыру және спорт басқармасымен бірлесіп бағдарламаларды синхрондауды ұсынды. Қоғамдық кеңесінің төрағасы С. С. Есіловтың айтуынша қосымша білім беру ұйымдарын ашу кезінде балаларды ғылыми-техникалық дағдыларға (робототехника, информатика, өнертапқыштық және басқалар) оқытуға баса назар аудару қажет.  Сондай-ақ, Қоғамдық кеңес мүшелері қажеттілікке қарай мамандықтар бойынша бөлуді, мемлекеттік сатып алу процестерінің ашықтығын, қолжетімділігін қамтамасыз етуді ұсынды. Осы мәселе бойынша ұсынымдар мақұлданды.

«Астана қаласында иттер мен мысықтарды ұстау және серуендету қағидалары туралы», «Астана қаласында қаңғыбас иттер мен мысықтарды аулау  және жою қағидалары туралы», «Астана қаласының аумағында жануарларды ұстау қағидалары туралы» Астана қаласы маслихатының 2015 жылғы 23 желтоқсандағы шешімдеріне өзгерістер енгізу туралы, «Нұр-Сұлтан  қаласының кейбір білім беру ұйымдарына атау беру туралы» Қазақстан Республикасы Үкіметі қаулысының жобасы ескертусіз мақұлданды.

Нұр-Сұлтан қаласы мәслихатының 2020 жылғы 30 қыркүйектегі
«Нұр-Сұлтан қаласының аумағында жасыл екпелерді күтіп-ұстау және қорғау Қағидаларын бекіту туралы» шешіміне өзгеріс енгізу туралы мәслихат шешімінің жобасын талқылау барысында, Қоғамдық кеңес мүшелері уәкілетті орган- Қоршаған ортаны қорғау және табиғат пайдалану басқармасына ағаштардың өтемдік отырғызылуын және жүргізілетін жұмыстардың сапасын жеткіліксіз бақылауына ескерту жасады. Осы уақытқа дейін Қоғамдық кеңестің мүшелеріне жасыл желектер тізілімі ұсынылмаған. Жалпы ұсынылған мәслихат шешімінің жобасы мақұлданды.

«Нұр-Сұлтан қаласы бойынша әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидаларын бекіту туралы», «Нұр-Сұлтан қаласында әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшерін бекіту туралы» әкімдіктің қаулы жобалары бойынша ұсынымдар қабылданды. Бұл ретте бөлшек сауда бағаларының шекті рұқсат етілген мөлшерін белгілеу түрінде реттеу жолымен әлеуметтік маңызы бар азық-түлік тауарларына бағаларды тежеуді бақылауды жүзеге асыру қажеттігіне назар аударылды. 

«Нұра-Есіл арнасының су қорғау аймақтары мен белдеулерін белгілеу туралы» Астана қаласы әкімдігінің 2017 жылғы 8 қарашадағы № 205-2327 қаулысына өзгеріс пен толықтырулар енгізу туралы», «Нұр-Сұлтан қаласында шетелдіктер үшін туристік жарнаның  мөлшерлемелерін бекіту туралы»,  мәселелер белсенді талқылаудан кейін пысықтауға жіберілді.

Отырыс қала аудандары әкімдері аппараттарының, басқармалар мен бұқаралық ақпарат құралдары өкілдерінің қатысуымен офлайн және онлайн режимінде өтті.