Комиссияның жер учаскелерін иеліктен шығару мәселесі жөніндегі отырысы

Қалалық мәслихатта заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.

Күн тәртібінде мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарт жобасын келісу мәселесі қаралды.

«Нұр-Сұлтан қаласының «Тұрғын үй және тұрғын үй инспекциясы басқармасы» ММ басшысы Әнуар Саипов депутаттарға мәслихаттың тұрақты комиссиясының қарауына шығарылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды.

1. А. Байтұрсынов, Ж. Нәжімеденов, А50 және А51 көшелерінің (жобалық атауы) шаршысында орналасқан А50 және А51 көшелерінің (жобалық атауы) құрылысы;
2. Тұран даңғылы мен №227 көшесінің (жобалық атауы) қиылысында орналасқан әкімшілік ғимараттың құрылысы;
3. Қабанбай батыр даңғылы мен Хусейн бен Талал көшесінің қиылысы ауданында орналасқан әкімшілік ғимараттың құрылысы;
4. Тәуелсіздік даңғылы мен Шарль де Голль көшесінің қиылысы ауданында орналасқан жапсарлас үй-жайлары мен паркингі бар көппәтерлі тұрғын үй кешені;
5. Шарль де Голль және А.Тоқпанов көшелерінің қиылысындағы көше құрылысы;
6. Ш. Құдайбердіұлы даңғылы, №2/1 және 2/2 үйлердің ауданында орналасқан жапсарлас үй-жайлары мен паркингі бар көппәтерлі тұрғын үй кешені;
7. Қ. Күмісбеков және Ш. Қосшығұлұлы көшелерінің қиылысында орналасқан жапсарлас үй-жайлары мен паркингі бар көппәтерлі тұрғын үй кешені;
8. Ағадыр және Игілік көшелерінің қиылысы ауданында орналасқан абаттандыруға арналған учаске;
9. Суворов көшесінің бойында, №16 үйдің ауданында орналасқан абаттандыруға арналған учаске;
10. Өндіріс тұрғын алабында, Тайбурыл және Игілік көшелерінің қиылысында орналасқан мектеп құрылысы;
11. А.Иманов және Егемен Қазақстан газеті көшелерінің қиылысында орналасқан мектеп құрылысы;
12. Тельман тұрғын алабы ауданында орналасқан қоғамдық кеңістікті (саябақ, сквер) ұйымдастыру.

Әнуар Саипов депутаттарға барлық меншік иелерінің өтемақы сомасымен танысқанын хабарлады және жобаны қолдауды сұрады.

Депутат Гүлжамал Жапарова баяндамашыдан өтемақы сомасымен барлық меншік иелері келісті ме және келіскендердің пайызы қандай екенін нақтылауды сұрады.

Отырыс барысында депутаттардың жер учаскелерінің меншік иелерімен онлайн режимінде кездесуі өтті.

Мәслихат хатшысы Ерлан Каналимов меншік иелеріне «Мемлекеттік мүлік туралы» және «Қазақстан Республикасы астанасының мәртебесі туралы» ҚРЗ сәйкес қалалық мәслихат жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті иеліктен шығару туралы шарттардың жобаларын келісетінін хабарлады. Мәслихаттың тұрақты комиссиясының отырысына меншік иелері немесе олардың өкілдері шақырылды, олар жер учаскесі үшін өтемақы сомасымен келісетіндерін растады.

Тұрақты комиссия отырысын қорытындылай келе Ерлан Каналимов бұл мәселе мәслихаттың кезектен тыс сессиясының қарауына шығарылатынын мәлімдеді.