Елордалық мәслихат депутаты IRONMAN 70.3 Turkey жеңімпазы атанды
10.11.2021
Елордалық мәслихат депутаты Батыр Котырев Анталияда өткен IRONMAN 70.3 Turkey халықаралық триатлон турнирінің жеңімпазы атанды. Батыр Қуанышұлы алғаш рет осындай халықаралық деңгейдегі жарыстарға қатысты.
Турнир жергілікті уақыт бойынша 08.00-де Kadriye Beachpark жағажайында жарыстың жүзу кезеңінен басталды. Жарысқа 88 елден 2 300-ден астам спортшы қатысты. Жарысқа қатысушылар жалпы ұзындығы 70.3 миль немесе 112,9 км (1,9 км - жүзу, 90 км – велоэтап және 21 км - жүгіру) қашықтықты еңсерді.
"Қашықтық оңай болған жоқ, жүзу кезеңінен кейін Жерорта теңізінің жылы суларында веложарыстың бір шеңбері басталды, оның бағыты Аспендос ежелгі амфитеатрының жанында және көркем шатқалдардың бойында орналасқан. Ал жүгіру кезеңінде көптеген көрермендердің қолдауы қосымша күш берді.
Жарыс қорытындысы бойынша мен қашықтықты 6 сағат 11 мин.24 секунтта еңсердім. IRONMAN 70.3 қашықтығынан өту мақсаты-орындалды!!!
Мен осы 2 жыл бұрын мақсат қойдым, 2020 жылғы жарысқа Нұр-Сұлтан қаласында тіркелгенімнен бастап, менің мақсатымды іске асыруға көмектескен барлық тәлімгерлеріме, алғысымды білдіремін", - деді Батыр Котырев.