Құрметті елорда тұрғындары мен қонақтары!

Халықаралық қарттар күнімен шын жүректен құттықтауымды қабыл алыңыздар!

Бұл өз еңбектерімен сүйікті қаламыздың қалыптасуына, өсіп-өркендеуіне зор үлес қосқан аға буынның ерен еңбегін, даналығы мен тәжірибесін, адамгершілік құндылықтары мен дәстүрлерін қадірлеу күні.

Біздің қарт адамдарға деген ықыластық қарым-қатынасымыз, олар толыққанды өмір сүріп, өздерінің арман-тілектерін жүзеге асыра алуы үшін, олардың қажеттіліктеріне көбірек көңіл бөлу арқылы білінеді.

Осы атаулы күнді пайдалана отырып, қарияларымызға ризашылығымызды білдіреміз, оларға көңіл бөліп, қамқорлық көрсету әрқайсымыздың міндетіміз, өйткені қарттары бар ел – қазыналы ел.

Біздің аға- буындарымызға зор денсаулық, сергектік, жайлы көңіл-күй, өмірге деген өшпес қызығушылық, бақытты ұзақ өмір, ұрпағының сүйіспеншілігі мен ықыласын тілейміз!

Нұр-Сұлтан қаласы
мәслихатының хатшысы Е. Каналимов