Елордалық депутаттар педагогтардың әлеуметтік мәртебесін талқылады

Мұғалімдерді оларға қатысты емес жүктемелерге тарту, мектептегі білім беру сапасы, әлеуметтік қызметкерлердің проблемалық мәселелері және оқу орындарындағы қауіпсіздік, мектеп нысанының бағасы және көп балалы және аз қамтылған отбасылардан шыққан балалардың тұрғын үй жағдайлары сапасының мониторингі. Жауаптан гөрі сұрақтар көп. Бүгін қалалық мәслихат депутаттары қоғамдық тыңдауларда педагогтардың әлеуметтік мәртебесін арттыруды талқылады.

"Қысқа мерзімде мектеп медицина қызметкерлерінің, кітапханашылар мен еден жуушылардың жалақысын көтеру мәселесін шешу үшін талдау дайындауды тапсырдым. Мәселе баяғыда пісіп-жетілді, алайда педагогтардың кәсіподақтары да, басқарма да елордада қанша техникалық қызметкер бар екендігі және олардың айлықтарын қаншалықты арттыру қажеттігі туралы ақпаратты білмейді", - деп атап өтті өз сөзінде мәслихат хатшысы Ерлан Каналимов.

Мектеп қауіпсіздігі мәселелері қозғалды. 2-3 мектепке бір мектеп инспекторы келеді, ол құқық бұзушылықтардың алдын-алуға сапа жағынан да, сан бойынша да қатыса алмайды.  Мәслихат хатшысы әлеуметтік қызметкерлердің жағдайына байланысты жағдайды ерекше бақылауға алуды тапсырды. Төмен жалақы, жоғары жүктеме және ерекше функционалдық міндеттер. Алдағы уақытта басқарма мен кәсіподақтардың депутаттары проблемаларды шешу бойынша ұсыныстар күтеді.