Мәслихат хатшысы: "Тұрақтандыру қоры жұмысының тетігін түбегейлі өзгерту қажет"
13.09.2021
Елордалық мәслихат қабырғасында "Astana" ӘКК мен кәсіпкерлік басқармасының әлеуметтік маңызы бар азық-түлік тауарларының бағасын тұрақтандыру жөніндегі жұмысы талқыланды. Олардың жұмысы депутаттардың көпшілігімен қанағаттанарлықсыз деп танылды.
Осы уақытқа дейін тауарларды тұрақтандырылған бағамен сататын дүкендерде ақпараттық жұмыс жоқ. Өнімдердің қайдан шыққанын және олардың құны қандай екенін көрсететін баннерлер жоқ. Дәл осындай ақпарат интернет – ресурстарда жоқ. Осы өнімдер сатылатын 16 сауда орталығының кейбіріне барғаннан кейін олардың бағасы өзгеріп, нарық деңгейінде болады. Дегенмен, ең алдымен, тауарлар халықтың әлеуметтік осал топтары санатына арналған.
"Баға мониторингін кім және қандай жиілікпен жүзеге асырады? Импорттың үлесі қандай және өнімдер тұрақтандыру қорының қоймаларына қай елдерден әкелінеді? Осы және басқа да сұрақтарға жауаптарды дүйсенбіге дайындауды тапсырдым", - деп атап өтті мәслихат хатшысы.