Мемлекет басшысы Қасым-Жомарт Тоқаев Парламент палаталарының бірлескен отырысында "Халық бірлігі және жүйелі реформалар - ел өркендеуінің берік негізі" атты Жолдауын берді
02.09.2021
Жолдауда қазақстандықтардың әл-ауқатын арттыру, мемлекеттілікті күшейту, сонымен қатар мәдениет, білім беру салаларына ерекше назар аударған.
2022 жылдан 2025 жылға дейін бюджеттен қаржыланатын салалар: мәдениет қызметкерлері, мұрағатшылар, кітапханашылар, техникалық қызметкерлер, қорықшылар, көлік жүргізушілері және басқа да қызмет түрлеріндегі қызметкерлердің жалақысын жыл сайын орта есеппен 20 пайызға өсіру тапсырмасы халық табысын арттырып, әлеуметтік жағдайын арттырары сөзсіз.
Сондай-ақ, еліміздің экономикалық әлеуетін ескере отырып төменгі табыс мөлшерін көтеру әлеуметтік маңызды топтар үшін де маңызды.
Ауыл шаруашылығын дамытуға бөлінетін субсидия мен тұрғын үймен қамтамасыз ету үшін жаңа бағытта жасалған бағдарламалар халықтың әл-ауқатын жақсартуға үлкен мүмкіндік.
Егемендігіміздің 30 жылдығына осындай үлкен қадамдардың жасалуы әр азаматтың болашаққа сеніммен қарауына септігін тигізеді. Тәуелсіздік игілігін сезіне білген әр азамат елдегі бейбіт өмірді, қоғамдағы тұрақтылық пен тыныштықты сақтай отырып ел үшін қызмет ететін болады.
Дәкенов Ерлан, Нұр-Сұлтан қаласының мәслихат депутаты