Ерекше адамдар үшін - ерекше жағдайлар

"Әлеуметтік нысандарды салу кезінде мүмкіндігі шектеулі жандарға жағдай жасауға көп көңіл бөлу қажет", - деп атап өтті мәслихат хатшысы Е.Каналимов.

Мәслихат депутаттары елорданың төрт ауданындағы тұрғын алаптарында дене шынықтыру-сауықтыру кешендерінің салыну барысын қайта тексерді. Мердігерлермен және қала маңындағы тұрғындармен бірге құрылыс және әрлеу жұмыстарының сапасын, жоспарланған мерзімдерді, инфрақұрылымдарды құруды тексерді.

"Кейбір спорт нысандарына біз бұрын барып, сол кездің өзінде құрылысшыларға көптеген ескертулер жасағанбыз, бүгін олардың түзетулерін тексердік. Бүгінгі таңда пайдаланылатын материалдардың сапасына қатысты көптеген сұрақтар туындады. Осы және басқа да мәселелерді бейсенбі күні ғимараттарды жобалау және салу сапасына байланысты басты сұрақты жиналыста талқылаймыз. Мәслихат отырысына авторлық және техникалық қадағалау өкілдері, мердігерлер шақырылды", - деп бөлісті мәслихат хатшысы.