Әлеуметтік көмек мәселелері талқыланды

13 тамызда бейнеконференция форматында елорданың қоғамдық кеңесінің отырысы өтті. Отырыс барысында Қоғамдық кеңес мүшелері мұқтаж азаматтарға әлеуметтік көмек көрсету мәселелерін жан-жақты талқылады.

Сонымен, қатты отын сатып алуға әлеуметтік көмек әлеуметтік маңызды аурулары бар адамдар санатымен толықтырылды. 1-тармақтың 9-тармақшасына өзгерістер еңгізілді: "мүгедектігі бар немесе зейнеткерлер болып табылатын" деген сөздер алынып тасталды, бұл келесі санаттарды: саяси қуғын-сүргін құрбандарын, ядролық сынақтардың салдарынан зардап шеккен азаматтарды толық қамтуға мүмкіндік береді. Атаулы күндер мен мереке күндеріне – ҰОС мүгедектеріне, Ауғанстандағы ұрыс қимылдарына қатысушыларға, Чернобыль атом электр станциясындағы апатты жоюға қатысқан адамдарға жеңілдіктер бойынша теңестірілген басқа мемлекеттер аумағындағы ұрыс қимылдарының ардагерлеріне әлеуметтік көмек мөлшерін 35 АЕК мөлшерінде ұлғайту ұсынылды.

Сонымен қатар, Қоғамдық кеңес мүшелері ең төменгі зейнетақы алушылар қатарынан жасы бойынша зейнеткерлерге және зейнеткерлік жастағы адамдардың санаттарына жылына 2 рет – Конституция күніне және Қарттар күніне әлеуметтік көмек көрсету қажеттілігі туралы, сұранысқа ие кадрлармен қамтамасыз ету үшін мамандықтар тізбесі бойынша Нұр-Сұлтан қаласының жоғары оқу орындарында күндізгі оқу нысанына ақы төлеуді тағайындау туралы мәселелерді көтерді.

Сондай-ақ, ұсынылып отырған мәслихат шешімінің жобасы аясында Қағиданың 95-тармағын толықтыра отырып, қаланың мұқтаж азаматтарына газбен жылыту үшін әлеуметтік көмек көрсету мәселесін қарау ұсынылды. Жалпы, Нұр-Сұлтан қаласы мәслихаты шешімінің жобасы мақұлданды.

«Нұр-Сұлтан қаласының су объектілері мен су шаруашылығы ғимараттарында көпшіліктің демалуына, туризм мен спортқа арналған орындарды белгілеу туралы» қала әкімдігінің қаулы жобасын талқылау кезінде бірқатар сұрақтар туындады, олар бойынша егжей-тегжейлі анықтама ұсынылмады.

Біріншіден, Су кодексінің 94-бабының 2-тармағына сәйкес су объектілері мен су шаруашылығы құрылыстарында жаппай демалу, туризм және спорт үшін орынды айқындау кезінде жергілікті атқарушы орган қаулы жобасын су ресурстарын пайдалануды реттеу және қорғау жөніндегі Есіл бассейндік инспекциясымен, қоршаған ортаны қорғау саласындағы уәкілетті мемлекеттік органмен, халықтың санитариялық-эпидемиологиялық саламаттылығы саласындағы мемлекеттік органмен келісуге тиіс. Екіншіден, Қаулы жобасының Қосымшасында көрсетілген демалыс орындарын айқындаудың негіздемесі мен критерийлері жоқ.

Уәкілетті органға судағы тәртіп пен қауіпсіздік ережелерін сақтаумен қатар, демалыс орындарын белгілеу кезінде санитарлық нормаларды сақтау мәселелеріне тиісті көңіл бөлу ұсынылды. Бұл демалыс орындарында дәретханалар, себезгі кабиналарын орнату, қызметкерлерді аумақты уақтылы тазалау үшін қамтамасыз ету және т. б.

Сонымен қатар, Қоғамдық кеңес мүшелері елорданың су объектілері мен су шаруашылығы құрылыстарындағы жаппай демалу, туризм және спорт үшін белгілі бір орындардың жай-күйін бақылауды жүзеге асыратын мемлекеттік органды айқындау қажет деп санайды.

Талқылау қорытындысы бойынша «Нұр-Сұлтан қаласының су объектілері мен су шаруашылығы ғимараттарында көпшіліктің демалуына, туризм мен спортқа арналған орындарды белгілеу туралы» Нұр-Сұлтан қаласының әкімдігі қаулысының жобасы пысықтауға жіберілді.