Мәслихат хатшысы: "Бірде-бір мәселе назардан тыс қалмайды"

Аягөз-ерекше қажеттіліктері бар бала тәрбиелеп отырған көп балалы ана, жақында ғана өз ісін ашты. Ерекше балаларға тігін және қыш бұйымдарын үйретеді. Ерекше балалардың ата-аналары Аягөзді өз тәжірибесі бойынша балаларын аяққа тұрғызуын сұрайды. Жаңа бастаған кәсіпкер азаматтарды қабылдауға қалалық мәслихаттың хатшысы Ерлан Каналимовке қажетті техниканы сатып алуға көмек сұрап келді.  Келесі аптада депутаттар оның тігін цехына барады. Сондай-ақ, қабылдауға белсенді партия мүшесі Талғат Мамықанов жазылды.

"Қылмыстық немесе өзге де істер бойынша қамауға алынған автокөліктер үшін айыппұл тұрақтарының болмауы, сот шешімі бойынша бюджетке ақшаны қайтару мәселесі талқыланды. Бүгін Жәнібек Әсетов жергілікті атқарушы органдардың қызметін цифрландыру бойынша қызықты жобаны таныстырды. Уақыт өте келе елордалық мәслихатта қызықты әрі қажетті жобаны енгізуді жоспарлап отырмыз",- деді Ерлан Каналимов.