Сапаны қамтамасызету саясаты

Елорданың Қоғамдық кеңесінің кезекті отырысында техникалық, кәсіптік, орта білімнен кейінгі білімі бар кадрларды даярлау, мемлекеттік органдардың мемлекеттік қызмет көрсетуі, еліміздің бас қаласында білім беру сапасы туралы сөз қозғалды. Білім басқармасы басшысының орынбасары Римма Иманғазинова таныстырған "2021-2022 оқу жылына техникалық және кәсіптік, орта білімнен кейінгібілімі бар кадрларды даярлауға арналған мемлекеттік білім беру тапсырысын бекіту туралы" қала әкімдігінің қаулы жобасын талқылау кезінде Қоғамдық кеңес мүшелері білікті жұмысшы кадрларды даярлау – бұл республика мен Астананың әлеуметтік-экономикалық жүйесін қалыптастыруды және дамытуды қамтамасыз ететін білім беру жүйесіндегі маңызды буын екенін атап өтті.

Қоғамдық кеңес комиссиясының төрағасы Әсима Бимендина өз сөзінде ұсынылған жоба осы мәселе бойынша нормативтік құқықтық актілерді ескере және сақтай отырып әзірленген деп санайды. Мемлекеттік білім беру тапсырысы қаланың индустриялық-инновациялық даму басымдықтарын, кадрларға өңірлік қажеттілікті ескере отырып қалыптастырылды. Мәселені қарау кезінде еңбек және халықты әлеуметтік қорғау министрлігі, жаңа кәсіптер атласы, өңірлік кәсіпкерлер палатасы ұсынған ұсынымдар ескерілді.

Сонымен қатар, Қоғамдық кеңес мүшелері Б.Ә. Смайылов, В. А. Сергеев, Ж. С. Нұрғалиев құрылыс саласында, коммуналдық шаруашылықта білікті кадрлардың жетіспеушілігіне назар аударды. Олардың пікірінше, қалада тұрғын үй құрылысы бойынша көптеген Мемлекеттік бағдарламалар жүзеге асырылған кезде, құрылыс компаниялары білікті жұмысшы мамандықтарының – тасқалаушылардың, бетоншылардың, краншылардың тапшылығын сезінуде.

Сондай-ақ, қалада елорданы газдандыру жобасын іске асыруға байланысты бұл саланы мамандармен қамтамасыз ету мәселесі өткір тұр, ал тігін өндірісі мен киім үлгілеу мамандарын даярлау бойынша үлкен мемлекеттік тапсырыс бөлінеді. Осыған байланысты, Қоғамдық кеңес мүшелері кәсіпті құрылыс саласы мен газ саласындағы мамандардың қажеттілігіне қайта бағдарлау туралы мәселені қарау немесе жоғарыда көрсетілген салалар үшін мемлекеттік білім беру тапсырыстарының санын ұлғайту туралы ұсыныс еңгізді.

Талқылау қорытындысы бойынша Қоғамдық кеңес мүшелерінің барлық ескертулері мен ұсыныстары ескерілген ұсынымдар қабылданды.

Қоғамдық кеңесте үнемі талқыланып отыратын маңызды мәселе – мемлекеттік органдардың мемлекеттік қызметтерді сапалы көрсетуі. Қазақстан Республикасы Мемлекеттік қызмет істері агенттігі департаменті басшысының орынбасары Роман Ким Қоғамдық кеңес мүшелерін 2021 жылдың бірінші жарты жылдығының қорытындысы бойынша атқарылған жұмыстар туралы хабардар етті.

Қоғамдық кеңес мүшелері С.С. Есілов, А. Т. Нұркеева, Ж. С. Нұрғалиев, М. Д. Еркетаев аталған мәселені талқылай отырып, қала тұрғындары Egov порталының жұмысына қатысты наразылықтарын білдірді. Мысалы, Олар осы немесе басқа ақпаратты уақтылы ала алмайды. Жақында бұл вакцинация паспортын алуға байланысты болды. Талқылау қорытындысы бойынша уәкілетті орган ретінде агенттік Департаментіне осы жұмысты жақсарту бойынша ұсынымдар берілді. Атап айтқанда, қолжетімді визуализациямен және өзекті деректер мен Мемлекеттік қызметтерді көрсету сапасын жетілдіру бойынша қоғамдық мониторинг жүргізу туралы ақпаратты ашық дереккөздерде ұсыну, ЦДИАӨМ-мен бірлесіп, Мемлекеттік қызметтерді үздіксіз және сапалы алу үшін электрондық үкімет порталының үздіксіз жұмысы туралы мәселені өзектендіру, оның ішінде:egov.kz портал жұмысындағы үзілістерді жою, проблемалық мәселелерді нақты пысықтау үшін жергілікті атқарушы органдармен, қалалық басқармалармен және Нұр-Сұлтан қаласының ведомстволық бағынысты кәсіпорындарымен қоғамдық мониторинг қорытындыларын бірлескен талқылауды жүргізу.

Нұр-Сұлтан қаласының білім беру саласындағы сапаны қамтамасыз ету департаментінің басшысы Бағым Куптлеуова білім беру саласындағыз аңнаманың орындалуы туралы есеп берді. Қосымша баяндама жасаған Қоғамдық кеңес комиссиясының төрағасы Әсима Бимендина Елордада білім беру сапасына, проблемалық мәселелерді нақты пысықтау үшін жергілікті атқарушы органдармен, қалалық басқармалар мен және Нұр-Сұлтан қаласының ведомстволық бағынысты кәсіпорындарымен қоғамдық мониторинг қорытындыларын бірлесіп талқылау қажеттігіне назар аударуды сұрады. Сондай-ақ, білім басқармасының жанындағы алқа отырысында оқу процесі барысында ең көп бұзушылықтарға жол берген, білім беру сапасы төмен білім беру басшыларының жауапкершілігі, білім беру процесіне байланысы жоқ және басқа да жұмыстарға педагогтарды тарту мәселесін қарау қажет екендігі атап өтілді.

Сондай-ақ, Қоғамды қкеңес төрағасы Сансызбай Есілов қалада педагогикалық кадрлар даярлайтын арнайы жоғары оқу орны жоқ екенін, ал қала мектептері олардың тапшылығын сезінетінін атап өтті. Осыған байланысты қалада педагогикалық кадрларды даярлау бойынша ЖОО немесе қаланың бір ЖОО базасында факультет ашу туралы мәселені қарастырудыс ұрады. Соныменқатар, Қоғамдық кеңес мүшелері жеке меншік мектептердің жұмысына назар аударуды, олардың қызметіне бақылауды жүзеге асыру бойынша жауаптыларды анықтауды сұрады.

Қоғамдық кеңес отырысында "Нұр-Сұлтан қаласында тұрғын үй көмегін көрсету Ережесі туралы "Астана қаласы мәслихатының 2019 жылғы 6 наурыздағы шешіміне өзгерістер енгізу туралы"мәслихат шешімінің жобасы талқыланды.

Барлық қаралған мәселелер бойынша тиісті мемлекеттік органдарға жіберілетін ұсынымдар қабылданды.

Отырыс жұмысына қаланың мемлекеттік мекемелерінің басшылары, бұқаралық ақпарат құралдарының өкілдері қатысты.