Елордалық мәслихат депутаты БЦП диагнозымен туған бауырларға пәтер сыйлады

Елнар Айтняков 1991 жылы Павлодарда дүниеге келген, оның егіз ағасы Елдар бар. БЦП диагнозына қарамастан, екеуі де С.Торайғыров атындағы Павлодар мемлекеттік университетіне грантқа оқуға түсті, оны іштей оқып “қызыл дипломмен” бітірді.   Нұр-Сұлтан қаласына көшіп келген ағайындылар компьютер мен басқа да техниканы жөндеу және пайдалану жөніндегі сервис орталығын ашты. Ел тәуелсіздігінің құрдастары Елдар мен Елнар Айтняковтар елордада өмір сүрген бірнеше жыл ішінде өз ісін дамыта алды. Олардың үлкен әпкесі бар. Анасы үш баланы жалғыз тәрбиелеп, балаларына еңбекке деген сүйіспеншілікті оята білді. Егіз ағасы Елдар әрдайым жанында, бәріне көмектеседі, анасымен бөлек тұрады.  
"Елнар үйленген, жұбайы Жанар-көзі көрмейтін бірінші топтағы мүгедек. Олардың екі сау баласы бар. Елнар маған пәтер мәселесіне көмектесу туралы өтінішпен жүгінді. Мен оны түсіндім! Енді Елнар отбасымен бірге бір бөлмелі пәтерде тұрады. Олардың жаңа пәтері шуақты және жайлы болсын ",- деді қалалық мәслихат депутаты, G-Park компаниясының бас директоры Ғабит Сатмағамбетов.

"Мен бағдарламашы болып жұмыс істеймін, ағам екеуміз шағын жертөлені жалға аламыз, бірге жұмыс істейміз, компьютерлік техниканы жөндейміз. Біз көп адамдарға көмектестік, біздің жұмысымыз өзімізге ұнайды. Менің тек оң жақ қолым жақсы жұмыс істейді, сол жақ қолым туған кезімнен сынық. Мойным да зақымдалған, сондықтан мен өз аяғыммен жүре алмаймын. Мен оң қолымның көмегімен сүйене отырып қозғаламын. Менің әр күнім-бұл қиыншылық пен көз жасыммен күресе отырып жұмысқа бару. Өте қиын жағдай, алайда, пәтер ақысы бар, отбасымды асырау секілді мұқтаждықтарды өтеуге тура келеді. Күшім күн сайын азайып келеді, дегенмен де мен үмітімді еш үзбеймін, әлемде мені түсінетін адамдардың бар екеніне сенемін", - деп бөлісті Елнар.
7 жыл ішінде кәсіпкер, қалалық мәслихаттың депутаты Ғабит Сәтмағамбетовтің құрылыс компаниясы мұқтаж жандарға 200-ге жуық пәтер сыйлады.  Олардың қатарында көпбалалы, мүмкіндігі шектеулі жандар, мүгедек балаларды тәрбиелеп отырған отбасылар бар. Сонымен қатар, Ғабит Сатмағамбетов қайырымдылық қорының өкілдері мұқтаж жандарға азық-түлік себеттерін үнемі таратып, ерекше астаналықтарға қажетті құрал-жабдықтар сатып алып отырады. Олар қарттар үйлеріне көмектесіп, мүгедектердің емдеу курстарын төлейді.