Ардагерлерге қосымша әлеуметтік көмек көрсету мәселелері жөніндегі мәслихаттың кезектен тыс сессиясы

Қалалық мәслихатта Нұрлан Купешовтың төрағалығымен Zoom сервисінің бейнеконференцбайланыс платформасында мәслихаттың кезектен тыс сессиясы өтті.

Кезектен тыс сессия жұмысына қала әкімінің орынбасары Нұрлан Нұркенов, қала аудандарының әкімдері, мемлекеттік құрылымдар мен БАҚ басшылары қатысты.

Жұмыспен қамту және әлеуметтік қорғау басқармасының басшысы Сәуле Нұрғожина депутаттарды мәслихаттың 2017 жылғы 12 желтоқсандағы шешіміне ҚР заңнамасына және ҚР Еңбек және халықты әлеуметтік қорғау министрлігінің ұсынымдарына сәйкес, ҰОС ардагерлеріне, басқа мемлекеттер аумағындағы ұрыс қимылдарының ардагерлеріне, басқа да адамдар мен тыл еңбеккерлеріне әлеуметтік көмекті ұлғайтуды көздейтін өзгерістер мен толықтырулар енгізу туралы хабардар етті.

Шешім шеңберінде жүріп-тұруы қиын 1-топтағы мүгедектерді және шипажайлық-курорттық емдеу қызметін алған мүгедек балаларды алып жүретін адамдарға шығындарды өтеуді белгілеу ұсынылады.

Депутат Нұрдәулет Оразханов шипажайлық-курорттық емдеу қызметін алған мүгедек балаларды ертіп жүрген адамдарға қатысты нақтылау енгізуді сұрады. Мүгедек бала тәрбиеленетін отбасында ата-аналардың бірі жұмыс істей алмайтыны белгілі, сәйкесінше олардың алдын-ала төлем жасауға мүмкіндігі жоқ. Бұл соманы шипажайдың шотына салу мүмкіндігін қарастыруға болмас па екен?

С. Нұрғожина шипажайлық-курорттық емдеу мүгедек баланы оңалту мақсатында ұсынылатынын түсіндірді. Еріп жүрушілер шипажай қызметтерін пайдаланғаны және толық көлемде оңалту мүмкін еместігі туралы өтініштер болғандықтан, қазіргі уақытта көрсетілетін қызметті алушы шипажайды өзі таңдайды және еріп жүрушілерге ақы төлеу тұруға және тамақтануға ғана көзделетін болады.

Бұдан әрі депутаттар Ұлы Отан соғысының қатысушылары мен мүгедектеріне, сондай-ақ жеңілдіктер мен кепілдіктер бойынша оларға теңестірілген адамдарға, басқа да санаттағы адамдарға, тыл еңбеккерлеріне шешімде көзделген іс-шаралардың орындалуына байланысты қосымша әлеуметтік көмек көрсету туралы өткен жылғы мәслихат шешімінің күші жойылды деп тану туралы мәселені қарады.

Үшінші мәселе бойынша Тұрғын үй және тұрғын үй инспекциясы басқармасының басшысы Әнуар Саипов сөз сөйлеп, мәслихаттың 2020 жылғы 30 қазандағы «Тұрғын ғимараттар мен құрылыстарды авариялық деп тану мәселелері жөніндегі ведомствоаралық комиссияның құрамы туралы» шешіміне қала әкімдігінің құрылымдық бөлімшелеріндегі кадрлық өзгерістерге байланысты өзгерістер енгізу туралы ұсыныс енгізді.

Нұр-Сұлтан қаласы әкімдігінің жанындағы Жастарды әскери-патриоттық тәрбиелеуді жетілдіру жөніндегі ведомствоаралық үйлестіру кеңесін құру мәселесі бойынша депутаттарды Нұр-Сұлтан қаласының Қорғаныс істері жөніндегі департаментінің басшысы Мұрат Берікполов хабардар етті.

Кезектен тыс сессияның қарауына шығарылған барлық мәселелер бойынша тиісті шешімдер қабылданатын болады.