Елордалық мәслихат депутаттары триатлон паркінің аумағын абаттандырды

Бүгін қалалық мәслихат депутаттары күрекпен және тырмамен қаруланды. Триатлон паркінің айналасын ретке келтірді. Көптеген депутаттар сенбілікке балаларымен бірге келді.  Біздің қаламызда сенбіліктер дәстүрлі түрде өтеді, биыл республикалық "Киелі табиғат" жастар экологиялық акциясы аясында өтеді. Сонымен қатар, бүгін депутаттар жүзден астам шырша мен қайың көшеттерін отырғызды. 

"Депутаттық корпус атынан және жеке өз атымнан қаламыздың көркейтілуі мен көгалдандырылуына қатысқан қала тұрғындары мен қала қонақтарына алғысымды білдіргім келеді. Коммуналдық қызмет қызметкерлеріне ерекше алғыс, олардың еңбегінің арқасында астанамыз гүлденіп, жасыл желекке оранып келеді.  Астанамыздың таза, әдемі және ұқыпты болғанын бәріміз қалаймыз. Біздің тұрғындардың осы игі іске үлес қосқысы келетін саналы адамдар екендігі өте керемет", - деді қалалық мәслихаттың хатшысы Ерлан Каналимов.