Депутаттарға елордалық тәртіп сақшыларының проблемалық мәселелері туралы айтылды

Қалалық мәслихаттың заңдылық, құқықтық тәртіп және қоғаммен жұмыс мәселелері жөніндегі тұрақты комиссиясының отырысынан кейін Нұр-Сұлтан қаласы полиция департаментінің бес объектісінде көшпелі кеңес өткізілді. Сол кезде, 2021 жылдың наурыз айының басында елордалық мәслихаттың хатшысы Ерлан Каналимов полицейлерге құқық бұзушылықтар жиі жасалатын саяжай алаптарына көп көңіл бөлуді, онда ХҚКО үлгісі бойынша кейбір қызметтерді көрсету үшін жаңа тірек пункттерін ашуды ұсынды. Отырыста депутаттарға бүгінгі таңда елордалық тәртіп сақшыларының білікті кадрларға, атап айтқанда 204 учаскелік, 40 мектеп және 30 кәмелетке толмағандар ісі жөніндегі инспекторларға қажеттілігі бар екенін, 40-қа жуық полиция пунктін, 16 модульдік үлгідегі стационарлық бекетті ашуды қажет ететінін айтты.

"Бүгін депутаттар патрульдік полиция полкінде болып, "Сарыарқа" ауданының учаскелік полиция пункттерінің бірінде, әкімшілік полиция басқармасында және тағы басқа да нысандарда болды. Полиция департаментінің бастығы Ержан Сәденовтің баяндамасынан кейін бірқатар жүйелі мәселелер атап өтілді, олардың ішінде: материалдық - техникалық қамтамасыз ету, кадрлардың жетіспеушілігі. Жедел ден қою мамандандырылған жасағын (ЖІІБ), патрульдік полиция полкін көшіру мәселесін шешу талап етіледі. Осы және басқа да мәселелер жақын арада бюджетті нақтылау кезінде қаралатын болады", - деді Ерлан Каналимов.