Жер учаскелерін иеліктен шығару туралы шарттарды келісу

Назгүл Мақжанованың төрайымдық етуімен ZOOM сервисінің бейнеконференцбайланыс платформасында Заңдылық, құқық тәртібі және жұртшылықпен жұмыс жасау мәселелері жөніндегі тұрақты комиссияның отырысы өтті.

Отырыстың күн тәртібінде жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарттарды келісу болды.

Тұрғын үй және тұрғын үй инспекциясы басқармасының басшысы Асылбек Есенбаев сөз сөйлеп, депутаттардың қарауына 43 жер учаскесін сатып алу туралы шарттың жобасын ұсынды және осы жобаны қолдауды сұрады.

Ол депутаттарға Басқарманың міндеттерінің бірі мемлекеттік қажеттіліктер үшін жер учаскелерін алуға, көп пәтерлі тұрғын үй кешендерін салуға, жол-көлік инфрақұрылымын салуға жергілікті бюджеттен бөлінетін қаражатты мақсатты пайдалану екенін айтты.

Депутаттар Басқарма басшысы А. Есенбаевқа Тәуелсіздік даңғылы, Шарль де Голль көшесіндегі (Южный кооперативі) жапсарлас салынған үй-жайлары мен паркингі бар КТК, Уәлиханов көшесінен Ш. Жиенқұлова көшесіне дейін Дүкенұлы көшесі бойындағы, Тілендиев көшесі мен Конституция көшесі аралығындағы Бейсеков көшесі бойындағы КТК, Шағын айналма жол құрылысын қаржыландыру, сондай-ақ жер учаскесі үшін өтемақы сомасы қалай анықталатыны туралы сұрақтар қойды.

Қала әкімдігінің «Қалалық жылжымайтын мүлік» МКК басшысы Александр Строчков сөз сөйлеп, депутаттардың кейбір сұрақтарына түсініктеме берді. Ол жер учаскелерін алып қою жоспары меншік иелерінің қалауы бойынша және бөлінген ақшаға сәйкес қалыптасатынын айтты. Әкіммен кездесу кезінде қала тұрғындары өз тілектерін білдірді, бұл негізінен гараждардың авариялық жағдайына байланысты болып шықты, гараж аумағы бойынша жоғары вольтты электр беру желілері өтеді, олар гараж иелерінің өмірі мен денсаулығына қауіп төндіреді.

Шағын айналма жолды қаржыландыруға қатысты А. Строчков бұл мәселе ҚР Қаржы министрлігінде қаралып жатқанын, сондай-ақ ол Республикалық бюджет комиссиясының отырысында талқыланатынын айтты. Жол құрылысына арналған шығыстарды қаржыландыру РБК оң шешімі болған жағдайда ғана мүмкін болады. Өтемақы сомасына қатысты, заңнамаға сәйкес учаскені бағалау нарықтық құн бойынша жүргізілетінін айтты.

Отырыс барысында депутаттардың жер учаскелерінің меншік иелерімен онлайн режимінде кездесуі өтті. Барлық меншік иелері немесе олардың өкілдері отырысқа қатысып, жер учаскесі үшін өтемақы сомасымен келісетіндерін растады.

Тұрақты комиссия отырысының төрағасы Н. Мақжанова меншік иелеріне өтемақыны қандай мерзімде алуға болатынын хабарлады.

Тұрақты комиссия отырысын қорытындылай келе Н. Мақжанова қаралған шарттар жобаларын тұрақты комиссия қалалық мәслихат сессиясына келісуге ұсынатынын айтты. Сессиядан кейін меншік иелері келісімшарттар жасап, жер учаскелері үшін ақшалай өтемақы алатын болады.