Тұрақты комиссияның қосымша әлеуметтік көмек көрсету мәселелері жөніндегі отырысы

Алтыншаш Табулдинаның төрайымдық етуімен ZOOM сервисінің бейнеконференцбайланыс платформасында тұрақты комиссияның әлеуметтік-мәдени даму мәселелері жөніндегі отырысы өтті.

Тұрақты комиссия отырысының күн тәртібінде келесі мәселелер болды: «Ұлы Отан соғысындағы Жеңіс Күнін мерекелеуге байланысты Ұлы Отан соғысының ардагерлеріне қосымша әлеуметтік көмек көрсету туралы»; «Чернобыль атом электр станциясындағы апат құрбандарын еске алу күніне Нұр-Сұлтан қаласының мұқтаж азаматтарының жекелеген санаттарына қосымша әлеуметтік көмек көрсету туралы».

«Нұр-Сұлтан қаласының Жұмыспен қамту және әлеуметтік қорғау басқармасы» ММ басшысы Сәуле Нұрғожина депутаттарға әлеуметтік көмек көрсетудің, оның мөлшерлерін белгілеудің және Нұр-Сұлтан қаласының мұқтаж азаматтарының жекелеген санаттарының тізбесін айқындаудың қағидаларына сәйкес 1941-1945 жылдардағы Ұлы Отан соғысындағы Жеңіс күніне әлеуметтік көмек ҰОС ардагерлеріне 67 айлық есептік көрсеткіш (195 439 теңге) мөлшерінде берілетінін хабарлады.

Сондай-ақ, ағымдағы жылы 1941-1945 жылдардағы Ұлы Отан соғысындағы Жеңіс күніне орай ҰОС ардагерлеріне Қағидалар шеңберінде берілетін 67 айлық есептік көрсеткішті (195 439 теңге) ескере отырып, 805 000 (сегіз жүз бес мың) теңге мөлшерінде қосымша әлеуметтік көмек көрсету ұсынылады, 26 адамға 1 000 439 (миллион төрт жүз отыз тоғыз) теңгеден төленетін болады.

Чернобыль атом электр станциясындағы апат құрбандарын еске алу күніне (26 сәуір) әлеуметтік көмек жеңілдіктер бойынша Ұлы Отан соғысына қатысушыларға теңестірілген адамдарға, сондай-ақ Чернобыль АЭС-індегі апаттың зардаптарын жоюға қатысқан адамдарға 9 айлық есептік көрсеткіш (26 253 теңге) мөлшерінде көрсетіледі.

2021 жылы Чернобыль атом электр станциясындағы апат құрбандарын еске алу күніне 35 жыл толады. Осыған байланысты апаттың зардаптарын жоюға қатысқан мұқтаж азаматтарға, сондай-ақ Чернобыль атом электр станциясындағы апаттың салдарынан мүгедек болған адамдарға 75 000 (жетпіс бес мың) теңге мөлшерінде қосымша әлеуметтік көмек көрсету ұсынылады. Осылайша, 540 азаматқа 101 253 (жүз бір мың екі жүз елу үш) теңгеден төленетін болады.

Мәслихат депутаттары ҰОС ардагерлеріне және Чернобыль АЭС-індегі апаттың зардаптарын жоюға қатысқан адамдарға қосымша әлеуметтік көмек көрсету туралы ұсынысты қолдап, оларды мәслихаттың тұрақты комиссияларының бірлескен отырысына талқылауға шығарды.