Тұрақты комиссияның МЖӘ жобаларын талқылау жөніндегі отырысы

Қалалық мәслихатта Zoom сервисінің бейнеконференцбайланыс платформасында Нұрлан Купешовтың төрағалығымен Бюджет, экономика, өнеркәсіп және кәсіпкерлік мәселелері жөніндегі тұрақты комиссияның отырысы өтті.

«Экономика және бюджеттік жоспарлау басқармасы» ММ басшысының м.а. Алмат Сейітқұлов «Астана қаласы бойынша іске асыру жоспарланған жергілікті мемлекеттік-жекешелік әріптестік жобаларының тізбесі туралы» Астана қаласы мәслихатының 2019 жылғы 6 наурыздағы шешіміне өзгерістер енгізу туралы мәселе бойынша сөз сөйледі.

Ол депутаттарға іске асырудың әртүрлі сатысындағы 13 объектіден тұратын МЖӘ жобаларының жаңартылған тізбесін ұсынды.

Мысалы, «Нұр-Сұлтан қаласында алты жалпы білім беретін мектепті салу және пайдалану» жобасы бойынша шарт жасасу жүріп жатыр.

Бюджеттік бағдарламалардың әкімшілері ай сайын жобаның іске асырылуы туралы баяндауы тиіс.

Депутаттарда Астана қаласы білім басқармасының «Гуманитарлық колледж» МКҚК-ны жеке серіктес «Астана халықаралық университеті» ЖШС-ға сенімгерлік басқаруға беру бойынша сұрақтар туындады. Университеттер арасында төмен рейтингті Астана университеті көрсететіні баршаға мәлім. Дәл осы университеттің басқаруына беру ниетінің негізі неде, әдетте білім сапасының жоғары деңгейі бар оқу орнының басқаруына беріледі. Конкурстық негізде беру процесінде басқа үміткерлер болды ма әлде бұл жағдайда бағдарлама әкімшілерінің жұмысы нашар болды ма? Бұл мәселені қосымша бөлек қарау ұсынылды.

Депутат Т. Нәрікбаев бұл резонанстық мәселе екенін, оны ҚР Парламенті Мәжілісінің депутаттары әлеуметтік желілерде талқылағанын айтты. Сондай-ақ, ол елордаға педагогикалық кадрлар керек екенін, білім басқармасының өзі оларды дайындаумен айналыспайтынын айтты. Депутат бұл мәселені Білім басқармасының жаңадан тағайындалған басшысымен алдын ала талқылауды ұсынды.

Депутат А. Табулдина «Денемүмкіндіктері шектеулі адамдарға арналған паралимпиадалық жаттығу орталығы мен «Тарлан» Мұз аренасын құру және пайдалану» жобасы бойынша сұрақ қойды. «Каспий» Спортты дамыту қоры» қоғамдық қоры жеке әріптес болып табылады. Депутаттар мемлекеттік органдардың басшыларына осы орталықта қанша мүмкіндігі шектеулі адам шұғылданады, қанша балаға қызмет көрсетіледі деген сұрақтар қойды. А. Табулдина әлеуметтік-мәдени даму мәселелері жөніндегі тұрақты комиссия мүшелері бұл мәселені егжей-тегжейлі қарастыруы үшін осы жоба бойынша ақпарат беруді сұрады.

МЖӘ жобаларының тізбесіне жеке отбасылық дәрігерлік амбулаторияларды енгізу де сұрақтар туғызды. Арнайы нормативтік құқықтық актілер бар, бұл мәселе медициналық сақтандыру қорының құзыретіне жатады, неге бұл объектілер МЖӘ жобаларының жалпы тізбесіне енгізіледі? Қалалық экономика және бюджеттік жоспарлау басқармасы басшысының м.а. жеке отбасылық амбулаториялар, «Қазақстан» спорт сарайын қайта құру бойынша ақпарат беру тапсырылды.

«Нұр-Сұлтан қаласында алты білім беру мектебін салу және пайдалану» МЖӘ жобасы бойынша мемлекеттік міндеттемелерді қабылдау туралы» екінші мәселе бойынша Құрылыс басқармасының басшысы Арсен Жанғасканов сөз сөйледі.

Күн тәртібі бойынша мәселелерді талқылау қорытындысы бойынша бейінді комиссия оларды мәслихаттың тұрақты комиссияларының бірлескен отырысының қарауына енгізуді ұсынды.