Қалалық мәслихат депутаттары газбен қамту жобасын жүзеге асыру барысын тексерді

Қалалық мәслихат депутаттары азаматтардың әлеуметтік осал санаттарын газға қосу мәселесін барынша қысқа мерзімде қалай шешуге болатынын ұсынды. Бүгінде елордада газдандыру жобасының бірінші кезегі іске асырылуда, бұл қаланың оң жағалауындағы тұрғын үй алаптары.   ОАЭК ақпараты бойынша, бүгін тоғыз іске қосу кешенінің бірінші, екінші, үшінші, төртінші және жетінші кешендерінің құрылысы аяқталып, ЖЭО-1 және ЖЭО-2-ге жеткізу желілері тартылды. Бұдан басқа, үшінші жеткізуші кешен – Көктал-1 тұрғын алабына жеткізуші газ құбыры, төртінші іске қосу кешені – Көктал-2 және жетінші іске қосу кешені – "Железнодорожный" т/а "Агрогородок"т/а бөлігі.  Мұнда газ тарату желілері үйлердің қоршауына жеткізілді. 

Сонымен қатар, қалалық мәслихат депутаттары азаматтардың әлеуметтік осал санаттарының үйлерін газға қосу нұсқаларын ойластыруда. Мәслихат хатшысы Ерлан Каналимовтың пікірінше, егер қалада әлеуметтік санаттарды газбен жабдықтау мәселесін жабу мүмкін болса, онда міндет 50% - ға шешілетін болады.

"Бұл көмекке мұқтаж адамдардың барлығын анықтау қажет. Қазір 60 жеке компания болса, жұмыспен қамту және әлеуметтік қорғау Басқармасы арқылы өтемақы төлеу нұсқасын ұсыну қажет, ол азаматтардың белгілі бір санаттары үшін осы шараны қарастырады. Осы компаниялар арасында осы санаттағы азаматтардың тізімін бөлу қажет және магистральдық газ құбыры жүргізілген жерде олар кесте бойынша апта сайын төрт-бес үйді қоса алады, ал басқарма өз кезегінде олардың шығындарын өтейді. Осылайша, абоненттер саны артады", - деп ұсынды мәслихат хатшысы.

"Жобаға сәйкес, биыл газға 12 мың ЖТҚ қосу жоспарлануда, келесі жылдың соңына дейін тағы 10 мың абонент қосылады. Барлығы, орталық газбен жабдықтауға 22 мыңнан астам жеке үй қосылатын болады. Газбен жабдықтау саласының өзі біздің қала үшін жаңа және осыған байланысты бірқатар проблемалар туындайды, соның ішінде тиісті кадрларды даярлау, дұрыс емес бәсекелестік, көрсетілетін қызметтердің сапасы мәселелері", -деп жалғастырды Е.Каналимов.

Оның айтуынша, қалалықтардан газ отынды пайдалану кезіндегі қауіпсіздік пен орнату құнына қатысты көптеген сұрақтар туындайды.  Халықтың әлеуметтік осал топтарының өкілдерін газға қосылу кезіндегі жеңілдіктер мен өтемақыларға қатысты мәселелер толғандырады. Бұл мәселеге елордалық депутаттар мәслихаттың жеке отырысын арнайды. Кадрларды даярлау мәселелеріне келетін болсақ, депутаттар политехникалық колледж базасында оқыту үшін қосымша топтар ашуға қол жеткізуге ниетті. Сонымен қатар, олар еліміздің басқа өңірлеріндегі компаниялар елордада салық төлеп, ақша қалалық бюджетке түсуі туралы мәселені көтеруге ниетті.