Мәслихат депутаттарының бірінші отырысы

Қазақстан Республикасының қолданыстағы заңнамалық актілеріне сәйкес жергілікті өкілді органдардың өкілеттіктері мәселелері бойынша

Нұр-Сұлтан қаласы мәслихатының бірінші ұйымдастыру отырысы өтті.

Іс-шараны мәслихат хатшысы Ерлан Каналимов ашты. Ол "Қазақстан Республикасындағы жергілікті мемлекеттік басқару және өзін-өзі басқару туралы" Заңға және қалалық мәслихаттың Регламентіне сәйкес 15 қаңтарда мәслихаттың ұйымдастыру сессиясы өткізілгенін, онда тұрақты комиссиялардың құрамы, олардың қызметінің негізгі бағыттары бекітілгенін, тұрақты комиссиялардың төрағалары сайланғанын айтты.

"Мәслихаттың белсенділігі депутаттық корпусқа, оның құзыреттілігіне, кәсіби дайындығына тікелей байланысты болады. Бұл істе барлығы маңызды – заңдарды мүлтіксіз білу және өмірлік тәжірибе, сайлаушылармен ажырағысыз байланыс және олардың өтініштеріне ұқыпты қарау", - деп атап өтті Ерлан Каналимов.

Депутаттардың сындарлы және мазмұнды қызметін ұйымдастыру үшін депутаттардың құқықтық білім деңгейін арттыру жөніндегі іс–шараларды өткізуге көп көңіл бөлінеді - бұл құқықтық оқу, депутаттардың жұмысы үшін қажетті мәселелерді талқылау жөніндегі семинар-кеңестер.

"Нұр-Сұлтан қаласы мәслихатының аппараты "ММ басшысы Бақыт Ахметжанова сөз сөйледі, ол өз сөзінің басында депутаттарға мәслихат депутаттарының қызметін регламенттейтін нормативтік құқықтық актілердің тізбесін ұсынды.

"Қазіргі уақытта Қазақстан Республикасының заңнамасына сәйкес тұрақты, босатылған негізде өз қызметін тек мәслихат хатшысы ғана жүзеге асыратынын атап өткен жөн. Сонымен қатар, заңға өзгерістер енгізіледі, оған сәйкес мәслихаттың тұрақты комиссияларының екі төрағасы да қызметінен босатылған негізде өз қызметін жүзеге асыратын болады. Аталған өзгерістер енгізу туралы заң жобасы Қазақстан Республикасы Парламенті Мәжілісінің қарауында", - деді аппарат басшысы.

Бұдан әрі мәслихат депутаттарының өкілеттіктері туралы айта отырып, ол Президент Қасым-Жомарт Тоқаевтың 2020 жылғы 1 қыркүйектегі Қазақстан халқына Жолдауында айтылған және іс жүзінде іс-қимылға ұсынымдар болып табылатын сөздерін еске салды.

- "Жергілікті ресурстардың оңтайлы жұмсалуын қадағалауға өкілді органдар – мәслихаттар шақырылды»;

- Мәслихаттарға өңірді дамыту немесе кейде ондаған жылдар бойы шешімін таппаған жергілікті проблемалар бойынша қол жинау және петиция жасау функциясын беру мүмкін деп санаймын;

- Сондай-ақ, мәслихаттардың тексеру комиссияларын күшейту қажет. Үкіметке және Есеп комитетіне заңнамаға тиісті түзетулер топтамасын дайындауды тапсырамын;

- Мәслихаттар отырыстарының міндетті онлайн-трансляциясын енгізу қажет. Халық қалаулыларының пікірталастары, олардың қоғамдық-саяси келбеті қоғам үшін "жеті мөрдің артындағы құпия" болмауы керек.

"Covid-19 коронавирустық инфекциясының пандемиясына байланысты мәслихаттың отырысы "Zoom" сервисінің бейнеконференция платформасында өтуде. Бұл ретте, отырысты өткізу кезінде отырыс залына тек баяндамашылар шақырылады, отырыстың қалған қатысушылары "Zoom" сервисінің бейнеконференциясы арқылы қатысады. Халықты депутаттық корпустың жұмысы туралы кеңінен ақпараттандыру үшін сессияларды, тұрақты комиссиялардың отырыстарын, мәслихаттың көпшілік тыңдауларын "Facebook" әлеуметтік желісінде онлайн-трансляциялау қамтамасыз етіледі", - деді Б. Ахметжанова.

Сондай-ақ, отырыс барысында тұрақты комиссиялардың жұмысы, қандай жағдайларда көпшілік тыңдаулар, көшпелі отырыстар өткізіледі, іс жүргізу қалай жүзеге асырылады және депутаттардың күнделікті жұмысына қатысты өзге де мәселелер қаралды.

"Қазіргі уақытта қолданыстағы заңнамаға өзгерістер енгізіліп жатқанын атап өткім келеді, мәслихат депутаттарын оқыту процесін реттеу мақсатында депутаттар Қазақстан Республикасы Президентінің жанындағы білім беру ұйымдарында және олардың филиалдарында біліктілігін арттырудан өтетін болады. Депутаттардың біліктілігін арттыру бес жылда бір рет жүргізілетін болады. Заңға қол қойылғаннан кейін біз сіздердің тілектеріңізді ескере отырып, оқыту кестесін дайындаймыз", - деді мәслихат хатшысы Ерлан Каналимов.

Депутаттар елорданың аудандары мен тұрғын алаптарын дербес бекіту мәселелерін, сайлау алдындағы науқан барысында тұрғындар көтерген проблемалық мәселелер мен мәслихат депутаттарының ұсыныстарын, депутаттық қызмет барысында мәслихат депутаттарының қарауы жоспарланған негізгі мәселелерді қарады.

Алдыңғы алтыншы сайланымның депутаттары мәслихаттың жұмыс жоспарын дайындады, оған қаланың тыныс-тіршілігін қамтамасыз ету мен дамытудың өзекті мәселелері кірді, осы жоспар негізінде мәслихаттың 2021 жылдың бірінші тоқсанына арналған жоспарының жобасы әзірленді.

Жаңа жетінші сайланымдағы депутаттардың жұмысы әлеуметтік желілерде белсенділігімен ерекшеленетін болады. Instagram, Twitter, Telegram  парақшалары ашылып, халықпен кері байланыс орнату үшін Instagram, Facebook, WhatsApp мессенджерінде жеке аккаунттар ашуды сұрады.

Жергілікті баспасөз басылымдарында "Вечерняя Астана" және "Астана ақшамы" газеттерінде айына бір рет "Депутаттың жаршысы" парақшасы шығады, онда депутаттардың сөйлеген сөздері, сұхбаттары, сессиялардың репортаждары жарияланады. Сонымен қатар, бетте "Elorda.info" бөлек баған ашылады.

Аудандар бойынша бекітуді және эпидемиологиялық жағдайды (офлайн немесе онлайн) ескере отырып, азаматтарды қабылдау кестесі, елорданың ведомствоаралық комиссияларының құрамына депутаттардың кандидатуралары бойынша ұсыныстар келісу сатысында.