Мәслихат депутаттарының білім беру ұйымдарының жаңа объектілеріне баруы

Елордалық мәслихат депутаттары Білім басқармасының басшысы Шолпан Қадыровамен бірге Қайым Мұхамеджанов көшесі 41 Жағалау тұрғын үй кешенінде орналасқан білім беру ұйымдарының жаңа нысандарын аралады.

Сапар барысында депутаттар "ArtTumar" сәндік-қолданбалы өнер орталығының, №86 "Зияткер" балабақшасының, аспаздық студияның, құзыреттілік орталығының, №2 психологиялық-педагогикалық түзету кабинетінің, №3 психологиялық-медициналық-педагогикалық консультация кабинетінің, "АРҚА ALAN" балалар-жасөспірімдер орталығының қызметімен танысты.

Жаңа мекемелер қабырғасында балалар сәндік-қолданбалы өнерге, қолөнерге, дәстүрлі технологиялар мен шығармашылық жаңалықтарға баулиды, түрлі аспаздық ізденістерді дайындауға қатыса алады, белгілі бір саладағы ең күрделі жұмыс дағдыларын үйренеді, шахмат, тоғызқұмалақ ойнау дағдыларын жетілдіреді, спорттық жекпе-жекке қатысуға дайындалады. Ең кішкентайлары балабақшаның тәрбиеленушілері болады, ал даму мүмкіндіктері шектеулі балалар психологиялық-педагогикалық түзетуін алу мүмкіндігіне ие болады.

Депутаттар кабинеттерді, шеберханаларды аралап көрді, онда балалар көркем тоқумен, ағаш, металл, саз, былғары өңдеумен, құрақ тігумен және тамбурлық кестемен айналысатын болады, аспаздық және бар-студияларын, кондитерлік, наубайхана цехтарын, бизнес-орталығын, атмосфералық дәмхананы, жаттығу залдарын аралады.

Балалардың шығармашылықтың кез-келген түрімен айналысуы, шеберліктің құпиясымен танысу оларға шығармашылықты дамытуға ғана емес, сонымен бірге олардың тәуелсіз ойлауын, эстетикалық талғамын қалыптастыруға көмектеседі.

Үйірме жетекшілерінің айтуынша, олардың негізгі міндеті-сәндік-қолданбалы өнердің, аспаздық өнердің, басқа да қызмет түрлерінің қолжетімді түрлерін пайдалана отырып, балалардың шығармашылық белсенділігін ояту, әрі қарай кәсіптік бағдар беруге, жеке және ұжымда жұмыс істей білуге ықпал ету. Сабақ барысында балалар шебермен, басқа балалармен танысады, дайын қолөнерді талқылайды, материалдар мен құралдарды, қауіпсіздік техникасын үйренеді.

Сонымен қатар, металл, ағаш, былғары өңдеу шеберханаларында жұмыс істей отырып, балалар мектеп білімін іс жүзінде қолдануға үйренеді, жаңа білім алады.

Балшықты өңдеу шеберханасында депутаттарға сазды музыкалық аспап жасап көруі ұсынылды.

Білім басқармасының басшысы депутаттарға ерекше білім берілуіне қажеттілігі бар балалармен жұмыс туралы ақпарат берді, массаж кабинеттерін, ЕДШ залын, ойын бөлмелерін, сенсорлық кабинетті, Монтессори кабинетін көрсетті.

Депутаттар Білім басқармасының басшысымен қосымша білім беру ұйымдарын қаржыландыру мәселелерін талқылады, оқу ақысының ұлғаюы нәтижесінде көптеген балалар қосымша білім беру ұйымдарына бара алмайды деп қауіптенді. Білім беру саласының бұл бағытын еркін жүзуге жіберу мүмкін емес, мектептен тыс білім беруді мемлекет қолдауы керек. Сондай-ақ, депутаттар бұл нысандардың қызметі жоғары оқу орындарының түлектеріне өз білімдерін қолдануға мүмкіндік беретінін атап өтті.

Білім беру ұйымдарының жаңа объектілері тұрғын үй кешенінің бірінші қабатында орналасқан, олар ашылуға дайын, бірақ үй пайдалануға берілмегендіктен, ашылу рәсімі неғұрлым кеш мерзімге кейінге қалдырылды.

Депутаттар елорданың білім басқармасының Заманауи педагогикалық технологияларды енгізу саласындағы қызметіне жоғары баға берді және инновациялық білім беру жобаларына қаражат бөлуге тұрақты негізде көмек көрсету, "қадамдық қолжетімділік" қағидаты бойынша тұрғын үй кешендерінің бірінші қабаттарында қосымша білім беру объектілерін орналастыру практикасын одан әрі дамыту ұсынысын бірауыздан қолдады.