Мәслихаттың кезектен тыс сессиясы
14.10.2020
Бүгін Нұр-Сұлтан қалалық мәслихатында Гүлнар Данбаеваның төрағалығымен кезектен тыс сессия өтті.
Нұр-Сұлтан қаласының әкімі Алтай Көлгінов мәслихат депутаттарының қарауына Нұр-Сұлтан қаласы «Сарыарқа» ауданының әкімі лауазымына Есет Байкеннің кандидатурасын келісу туралы ұсыныс енгізіп, мәслихат депутаттарынан осы кандидатураны қолдауды сұрады.
Е.Б. Байкен 1986 жылы 23 қазанда Қарағанды облысы Теңіз ауданы Баршын ауылында дүниеге келген. ҚазГЗУ гуманитарлық-заң колледжін, Қазақ гуманитарлық-заң университетін, Е.А. Бөкетов атындағы Қарағанды мемлекеттік университетін бітірген.
Еңбек жолын Астана қаласында «Астана қаласының экономика және бюджеттік жоспарлау басқармасы» ММ инвестициялық саясат және жоспарлау бөлімінің жетекші маманы ретінде бастаған.
Содан кейін "Астана қаласының экономика және бюджеттік жоспарлау басқармасы" ММ Инвестициялық саясат және жоспарлау бөлімінің бас маманы, "Астана қаласы әкімінің аппараты" ММ Әлеуметтік-мәдени сала бөлімінің бас маманы, Астана қаласы әкімінің бас инспекторы болып жұмыс істеді.
2013-2016 жылдары "Астана қаласы әкімінің аппараты" ММ ұйымдастыру-инспекторлық бөлімін басқарды.
Соңғы үш жылда Қазақстан Республикасы Президенті Әкімшілігі басшысы хатшылығының сарапшысы болып жұмыс істеді, Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы, Қарағанды облысы Нұра ауданының әкімі болып тағайындалды. Қазіргі уақытта Нұр-Сұлтан қаласы әкімі аппаратының басшысы болып қызмет етеді.
Нұр-Сұлтан қаласының мәслихаты Нұр-Сұлтан қаласы "Сарыарқа" ауданының әкімі лауазымына Байкена Есет Берікұлын тағайындауға келісім беру туралы шешім қабылдады.