Мәслихатта азаматтарды онлайн форматта қабылдау өтті

Мәслихат хатшысының міндетін атқарушы Мәжит Шайдаров Zoom бейнеконференцбайланыс платформасында азаматтарды онлайн форматта қабылдауды өткізді.

Іс-шараға «Нұр-Сұлтан қаласының Отын-энергетикалық кешені және коммуналдық шаруашылық басқармасы» мемлекеттік мекемесінің басшысы Құлұшев Төлеген Базарбайұлы мен Нұр-Сұлтан қаласы «Есіл» ауданы әкімінің бас инспекторы Руслан Қонақбаев қатысты.

Нұр-Сұлтан қаласы, Е 583 көшесі, 7 үй мекенжайында тұратын елорда тұрғыны, зейнеткер Төлеген Ибраев қабылдауға жазылды.

Өтініш беруші өзінің Үркер тұрғын үй кешенінде тұратындығын және осы жердің әскери қызметшілерге, ҚР Қорғаныс министрлігінің қызметкерлері мен ауған ардагерлеріне берілгендігін айтты. Төлеген Тоқтарсынұлы коммуналдық қымет үшін төлемдерді үнемі төлейді.

Көрші тұратын тұрғындардың атынан ол қалалық қызметтердің әрекетсіздігі туралы шағым түсірді, соның салдарынан үш жыл бойы олардың көшелері кәріз қалдықтарына толуда. Ол аудандық әкімдікке, қалалық әкімдікке өтінішпен жүгінгеніне үш жыл өтсе де, мәселе әлі шешілген жоқ. Өйткені, адамдар үнемі сасық иістен және тасқын судан шаршады. Күн сайын олар 109-ға қоңырау шалып, кәріз желілерін қалпына келтіру үшін қалалық қызметтерді жіберуді сұрайды.

Сондай-ақ, мәслихат хатшысының міндетін атқарушыға Т.Ибраев  мәслихат отырыстардың біріне қатысуға мүмкіндік беру туралы өтінішпен жүгінді.

Мәжит Зейноллаұлы қыркүйек айының үшінші онкүндігінде Мәслихаттың онлайн сессиясын өткізу жоспарлуда және оған Төлеген Тоқтарсынұлы шақыралады деп жауап берді. Оған сессияның уақыты туралы қосымша хабардар етіледі.

Мәслихат хатшысының міндетін атқарушысы қаланың Отын-энергетикалық кешені және коммуналдық шаруашылық басқармасы басшысына тұрғындардың мәселесі қай уақытта шешіледі деген сұрақ қойды. Ол Т.Б. Құлұшевқа ертең «Есіл» ауданы әкімдігінің өкілдерімен бірге сол жерге барып және тұрғындарға жедел түрде қалай көмек көрсету керектігін шешуді ұсынды.