Елорданың шет аймақтарын дамыту перспективалары

Елорда мәслихатында «ZOOM» сервисінің видеоконференцбайланыс платформасында Сәрсембек Жүнісовтің төрағалық етуімен «Нұр-Сұлтан қаласы шет аймақтарының жағдайы мен даму перспективалары туралы» көпшілік тыңдау өтті.

Елорда мәслихатының депутаттары алдында Нұр-Сұлтан қаласының төрт ауданының әкімдері сөз сөйледі: «Алматы» ауданының әкімі – Бектенбай Есполов, «Байқоңыр» ауданының әкімі – Нұрбол Нұрсағатов, «Есіл» ауданының әкімі – Берік Жәкенов, «Сарыарқа» ауданының әкімі Ерғали Егемберді.

Аудан әкімдері қала шетіндегі бірінші кезектегі мәселелерді шешу бойынша жоспарлары туралы айтып берді, оған үш негізгі блок енгізілген: жол және инженерлік инфрақұрылым, әлеуметтік нысандардың тапшылығы, шет аймақтарды көріктендіру мәселелері.

«Алматы» ауданының әкімі Бектенбай Есполов, соның ішінде, ауданның 6 тұрғын алабында: Промышленный, Железнодорожный, Интернациональный, Мичурино, Күйгенжар, Оңтүстік-Шығыс, 13 балабақша, 12 жалпы білім беретін мектеп жұмыс істейтінін, 300 орындық № 57 мектепке жапсаржай салу бойынша жұмыстар аяқталғанын, Мичуринода 600 орындық мектептің құрылысы жүргізіліп жатқанын хабарлады. Мемлекеттік бағдарлама аясында салынған үйлерде емханалар орналастыру жоспарлануда «Үйдегі дәрігер» жобасы). Халықты әлеуметтік қолдау шараларымен қатар жол және инженерлік инфрақұрылымды жақсарту бойынша жұмыстар жүргізілуде. Көшелерді жарықтандыру бойынша үлкен жұмыс жүргізілуде. Железнодорожный және Промышленный тұрғын алаптарын газдандыру басталды.

«Байқоңыр» ауданының әкімі Нұрбол Нұрсағатов өз сөзінде аудан аумағында 3 тұрғын алабы 50 мыңнан астам тұрғыны бар Қазқалашық, Өндіріс, Кирпичный, орналасқанын атап өтті. Тұрғын алаптардың негізгі мәселесі жол төсемдерін жөндеудің болмауы, сондай-ақ көше жарығының болмауы, отбасылық-дәрігерлік амбулаторияны ашу қажеттілігі болып табылады. Сонымен қатар, ағымдағы жылы көшелерді жаңарту және оларды жарықтандыру жоспарланған. Нөсер канализациясы жүйесін дамыту бойынша жұмыстар жүргізілуде.

«Есіл» ауданының әкімі Берік Жәкенов депутаттарға бүгінгі таңда Үркер, Заречный, Пригородный, Тельман тұрғын алаптары орналасқан аумақтарды көріктендіру, соның ішінде спорттық-ойын алаңдарын салу, жолдарды жөндеу бойынша жұмыстар жүргізіліп жатқанын, 1072 құдықты жабу бойынша, ұзындығы 400 м/б үйінді бөгетті нығайту бойынша, ұзындығы 7,2 км инженерлік желілер құрылысын аяқтау бойынша және басқа да жұмыстар жүргізілгенін хабарлады.

Сарыарқа ауданының әкімі Ерғали Егемберді депутаттарға ағымдағы жылы қалалық басқармалармен бірлесе отырып, ауданда жарықтандыру, газдандыру, жолдарды жөндеу және салу бойынша жұмыстар жүргізілгендігін хабарлады. Көктал-1 алабында 400 орындық № 40 мектептің жапсаржай құрылысы аяқталуда, Көктал-2 тұрғын алабында канализациялық сорғы станциясының құрылысы бойынша жұмыстар аяқталды. 12 жылдан астам уақыт бойы Нұр-бесік шағын ауданында магистралды инженерлік желілердің құрылысы жалғастырылды, қазіргі уақытта бұл жұмыс аяқталуда. Сарыарқа ауданында Көктал-1-де 15 га жалғыз саябақтың құрылысы жалғасуда. № 68 мектепке 475 орындық жапсаржайдың құрылысы аяқталды.

Қалалық мәслихат депутаты Рәмзия Өмірбаева аудан әкімдеріне елорданың шет аймақтарын дамыту мақсатында жүргізіліп жатқан жұмыстар туралы егжей-тегжейлі есеп бергені үшін алғысын білдірді. Ол әкімдерді балалардың жазғы демалысын ұйымдастыру қажеттілігіне назар аударуға шақырды, әйтпесе балалар арасында  қылмыстың өсуі мүмкін екенін атап өтті. Сондай-ақ, Рәмзия Умербаева «Байқоңыр» ауданының әкіміне № 12 балабақша-мектебінің қызметіне қатысты сауал жолдады.

- «Шын мәнінде, оқушылар аталған мектепте тек 5 сыныпқа дейін оқи алады, мектепте спорт залы жоқ, 1-4 сынып оқушыларына арналған дәретханалар жабдықталмаған, асхана жоқ.  Және бұл жағдай көптеген жылдар бойы созылып келеді. Мектеп құрылысы бірнеше жылға созылатын болады, осы мектепте оқитын балалардың құқықтарына қысым жасамау үшін бүгін не істеуге болады», - деді Рәмзия Өмірбаева.

Бұл сұраққа Нұрбол Нұрсағатов қазіргі уақытта балалар басқа мектептерде, мысалы, № 49, 50 мектепте оқитын болады деп жауап берді. Аудан әкімдігінің жоспарында толыққанды мектеп құрылысы тұр.

Қалалық мәслихат депутаты Зулфухар Гаипов Көктал тұрғын алабын газдандырудың аяқталу мерзімі, жұмыстарды күзге дейін аяқтау мүмкіндігі туралы сұрақ қойды.

Зулфухар Гаипов қойған сұраққа қалалық Отын-энергетикалық кешені және коммуналдық шаруашылық басқармасының басшысы Нұрлан Сұлтанбеков жауап берді, ол ағымдағы жылы Көктал-1 және Көктал-2, Агрогородок алаптарында газдандыру жұмыстары аяқталатынын, сондай-ақ жеке компанияны іріктеу конкурстық негізде жүргізілетінін, адамдар ұсынылған қызметтердің бағасына сәйкес компания таңдау мүмкіндігіне ие болатынын хабарлады.

Депутат Қарақат Әбден Пригородный тұрғын алабы бойынша сұрақ жолдады.

- «Жыл сайын депутаттар тұрақты өсіп келе жатқан саяжай кентіне қатысты сұрақ жолдайды. Адамдар бейімделмеген үй-жайларда тұрады. Бұрын депутаттар саяжай кентін бұзу және жаңасын салу туралы мәселе қойған болатын. Бірақ қазір бұл мәселе талқыланбайды. Әкімдік саяжай кентінде одан әрі қоныстануға тыйым салуға немесе бұзу туралы жариялауға тиіс. Мәселені шешу үлкен қаржыландыруды талап ететіні түсінікті, және оны тез шешу мүмкін емес, бірақ бұл мәселені қала басшылығының алдына қою қажет», - деп атап өтті Қарақат Әбден. Екінші сұрақты Қарақат Әбден жылы аялдамалардың құрылысына қатысты қойды. Ол жылы аялдамаларды орталықта емес, ең алдымен, қаланың шет аймақтарына салуды ұсынды.

Нұрлан Сұлтанбеков келесі аптада әуежайға дейінгі учаскелерді қайта құруды жүзеге асыру басталатынын айтты. Қазір инженерлік желілерді төсеу мәселесі қарастырылуда. Инженерлік желілердің құрылысы аяқталып, жол қайта жаңартылғаннан кейін, инвесторлар пайда болады. Бірінші желі салынады. Жоба 5 жыл ішінде іске асырылады. Осылайша саяжай кентін бұзу мәселесі шешілетін болады.

Депутат Мирас Шекенов Үркер тұрғын алабындағы қайта құруға қаражат бөлінген, 31 КСС канализацияның құлауы туралы мәселені қозғады. Нұрлан Сұлтанбеков, қаражат ТЖ желісі бойынша бөлінгенін және басқарма бұл жұмысты жақын арада атқаратынын хабарлады.

Қалалық мәслихат депутаты Ақылбек Күрішбаев әкімдерге есеп бергендері үшін алғыс айтты, мәселе желісі анықталды, бірақ қашан, не шешілетіні анық емес. – «Яғни өз алдына жол картасы қажет, бұл мәселе осындай жылы шешілетін болады. Мемлекеттік органдардың өкілдері дамыған елдердегідей жоспарлай білуі тиіс. Белгілі бір индекаторлар бойынша аудан әкімдерінің жұмысын бағалайтын қандай да біржүйе қажет. Қазір үкімет мынадай жұмыс жүйесіне көшті, егер индикаторлардың                  25%-дан кемі объективті емес себептер бойынша орындалмаған болса, министр не жұмыстан кетеді немесе қатаң жаза алатын бағдарлама қабылдануда. Қала аудандары әкімдерінің жұмысында мұндай жүйе жоқ. Әлемдік тәжірибені пайдалану керек. Басшының жұмысына ынталандыру болады. Өз функцияларын кімнің орындап, ал кімнің орындамағаны анық көрінетін болады. Бұл менің ұсынысым. Екіншіден, дағдарыс жағдайында шағын және орта бизнесті қолдау туралы естігім келеді. Қазір бұл өте маңызды, карантин режимінің салдары өзін әлі көрсетеді. Әкімдер осы мәселелерді шешуі тиіс. Бұл екінші ұсынысым. Және үшіншіден, жақсы жағдайдағы жолдарды жөндеуге қатысты мәселе. Мен жақсы жағдайдағы жолдарды неге қайта жөндеу керек екенін түсінбеймін? Бұл қалай бағаланады? Бұл жолды қайта асфальттау керек деген шешімді кім қабылдайды және қандай критерийлер бойынша? Депутат болып қанша уақыт жұмыс істесем де Жаңажол мәселелері туралы бірінші рет естіп тұрмын. Сондай-ақ, сол жағалауда осы көшелер арқылы жүресің, жап-жақсы көшелер – және қайта асфальтталып жатады. Қандай негізде және қандай критерийлер бойынша шешім қабылданады», - деп Ақылбек Күрішбаев осындай сауалдар мен ұсыныстар айтты.

Ақыдбек Күрішбаевтың сауалдары мен ұсыныстарына Нұрлан Сұлтанбеков сол жағалаудағы жолдар 2010 және 2012 жылдардан бері жақсы жағдайда тұрғанын айтып, жауап берді. Жөндеу мерзімі өтіп кетті. Сол жағалауда Қонаев, Достық секілді қонақтарға арналған көшелер. Қалаға шетелдіктер, елорда қонақтары келеді, олар жолдардың жағдайына баға береді.

Депутат Рәмзия Өмірбаева жолдарды жөндеуге қатысты сұрақ қойды. Ол бұл сұрақты учаске сайлаушылары үнемі қоятынын айтты. Өз уақытында депутаттар жөндеуді қажет ететін жолдардың үш беттік тізімін дайындады, бірақ сайлау округінде орналасқан жолдардың бірде-бір шақырымы жөнделмеді.

Нұрлан Сұлтанбеков жауап ретінде бұл басқармада үш жыл бұрын жұмыс істемегенін және бұл тізімді көрмегенін айтты.

«Нұр-Сұлтан қаласы шет аймақтарының жағдайы мен даму перспективалары туралы» көпшілік тыңдаудың қорытындысы бойынша қаулы қабылданды, онда тиісті атқарушы органдарға ұсыныстар берілген.