Кезекті сессияны дайындау шеңберінде МЖӘ объектілерін аралау

Бүгін «Жергілікті атқарушы органның мемлекеттік-жеке меншік әріптестіктің жергілікті жобаларын іске асыру барысы туралы есебі» (бұдан әрі – МЖӘ) мәселесі бойынша қалалық мәслихаттың кезекті сессиясына дайындық шеңберінде қалалық мәслихат депутаттары кейбір объектілерді аралады.

Елордалық мәслихат депутаттары жергілікті МЖӘ жобаларының төрт объектісін аралады. Олар «Ақылы тұрақ кеңістігін құру және пайдалану», «360 орындық балабақша», «Эфференттік терапия және гемокоррекция орталығы» және «Тауар өнімдерін өндірудегі қауіпті қалдықтарды қалдықсыз өңдеу бойынша қызмет көрсетуге арналған өндірістік қуаттар».

Депутаттарға мемлекеттік-жеке меншік әріптестіктің мысалдарының бірі болып табылатын «Эфференттік терапия және гемокоррекция орталығы» жергілікті МЖӘ жобасын аралау жақсы әсер қалдырды.

Бірінші қалалық аурухананың ғимаратында орналасқан эфференттік терапия және гемокоррекция орталығының қонақтары емделушілердің жағдайын үздіксіз мониторингілеу үшін заманауи аппаратурамен, электролиттік құрамды, қанның қышқылдық-сілтілік жағдайын анықтауға арналған аппаратурамен, жаңа буындағы жасанды бүйрек аппаратымен және басқа да аппараттармен жабдықталғанын көрді, әрі орталық олар аралаған сәтте тиісті ем қабылдаған емделушілерге толы болды.

Сондай-ақ, елордалық мәслихат депутаттары «Тауар өнімдерін өндірудегі қауіпті қалдықтарды қалдықсыз өңдеу бойынша қызмет көрсетуге арналған өндірістік қуаттар» жергілікті МЖӘ жобасын аралады, онда депутаттар құрамында сынап бар бұйымдарды, қауіпті қалдықтарды қайта өңдеу бойынша және резеңке-техникалық бұйымдарды қайта өңдеу бойынша цехтардың жұмысымен танысты.

Кездесу барысында, қалалық мәслихат депутаттары осы іске асырылып жатқан МЖӘ жобалары өз тиімділігін көрсететінін атап өтті.

Толықтай жеке меншік серіктестіктің есебінен салынған 360 орындық балабақшаны аралау кезінде қалалық мәслихат депутаттары ғимараттың ішінде оның техникалық жай-күйімен, балалар бөлмелерінің орналасуымен және т.б. танысты, сондай-ақ жеке меншік әріптесті ағымдағы жылдың қыркүйек айына жоспарланған, оны пайдалануға беру мерзімдері туралы және осы жобаны іске асырудың алдағы жоспарлары туралы тыңдады.

Нұр-Сұлтан қаласы мәслихатының депутаттары аралау барысында бірқатар ұсынымдар мен ұсыныстар айтты, сондай-ақ олар жоғарыда аталған мәселе бойынша қалалық мәслихат сессиясының пленарлық отырысында талқыланатын болады.