Астанада жаппай бос уақытын өткізу және дамыту туралы

Бүгін мәслихатта Мәжит Шайдаровтың төрағалық етуімен әлеуметтік-мәдени дамыту мәселелері жөніндегі тұрақты комиссиясының отырысы Zoom қосымшасы арқылы онлайн режимде өтті.

Нұр-Сұлтан қаласында жаппай бос уақытын өткізудің болашағы мен дамуы туралы мәселе қаралды.

Әлеуметтік-мәдени дамыту мәселелері жөніндегі тұрақты комиссияның төрағасы М. Шайдаров халық үшін ерекше маңызды және көкейтесті бұл мәселе күн тәртібіне шығарылғанын және депутаттардың көптеген ескертулері мен ұсыныстарына байланысты тағы да күн тәртібінде тұрғанын атап өтті.

Екі баяндамашы сөз сөйледі: «Нұр-Сұлтан қаласының Мәдениет басқармасы» ММ басшысы – Нұрлан Ерболатұлы Сыдықов және «Нұр-Сұлтан қаласының Дене шынықтыру және спорт басқармасы» ММ басшысының міндетін атқарушы – Самат Серікханұлы Ерғалиев.

Нұрлан Сыдықов өз сөзінде қазіргі уақытта мәдениет және спорт басқармасын екі дербес басқармаға бөлу үдерісі жүріп жатқанын атап өтті, сондықтан спорттың дамуы туралы ақпаратпен «Нұр-Сұлтан қаласының Дене шынықтыру және спорт басқармасы» ММ басшысының міндетін атқарушы Ерғалиев Самат Серікханұлы сөз сөйлейді.

Н. Сыдықов депутаттарды елорданың мәдени дамуының болашағы туралы хабардар етті. Басқарма мәдениет саласын дамыту стратегиясы және бос уақытын өткізудің болашағы тұжырымдамасын әзірледі. Ол аталған бағдарламалық құжат елорданың барлық жастағы тұрғындары мен қонақтарының мүдделерін қамтитынын және елордада бос уақытын өткізудің дамуына бағытталғанын атап өтті. Шағын және үлкен бағдарламаларды іске асыру жөніндегі барлық қызмет Нұр-Сұлтан - Еуразияның мәдени астанасы – басқару қызметінің жаһандық мақсатын жүзеге асыруға бағытталған.

Сондай-ақ, Н. Сыдықов депутаттардың назарына жаңа мәдениет нысандары туралы ақпаратты ұсынды. 2020 жылы Қазақ театрының жаңа ғимаратын, Жас көрерменнің музыкалық театрын ашу, Бөгенбай батыр даңғылы бойындағы Орталық қалалық кітапхананы және басқа да кітапханаларды электронды кітаптарға қол жеткізе отырып, қазіргі заманғы коворкинг-орталықтар форматында қайта құру жоспарлануда. «Жастар сарайын» концептуалды қайта ретке келтіру өтеді, халықаралық заманауи өнер орталығы және «Art camping» арт-резиденциясы ашылады, Қуыршақтар театрында, «Жастар театры» ғимаратында жөндеу жұмыстары жүргізіледі, «Абай әлемі» көпфункционалды мәдени-білім беру орталығының және «Бозоқ» мемлекеттік тарихи-мәдени музей-қорығының құрылысы бойынша жобалау жұмыстары жүргізілуде.

Самат Ерғалиев депутаттарға спортты дамыту бойынша өткен жылдың қорытындысы туралы баяндады. 2019 жылы әкімдікпен, ҚР МСМ және ҚР ҰОК бірлесе отырып қалада қалалық, республикалық және халықаралық деңгейдегі 40-тан аса маңызды іс-шаралар өткізілді. Мүмкіндігі шектеулі адамдар арасында қалалық, республикалық, халықаралық деңгейдегі 30  спорттық іс-шара өткізілді.

С. Ерғалиев қалада 794 спорт ғимараты (2018 жылмен салыстырғанда 75 бірлікке артқан), 16 мемлекеттік кәсіпорын, 11 балалар мен жасөспірімдер спорт мектебі, спорт комбинаты, жоғары спорттық шеберлік мектебі, Спорт сарайы, Олимпиадалық резервті даярлау орталығы және Спорттық-бұқаралық іс-шараларды өткізу бойынша дирекция жұмыс істейтінін атап өтті.

Шеткері аймақта тұрып жатқан миллионға жуық қала тұрғындарын спортқа тарту бойынша үлкен жұмыстар жүргізілуде. 2020 жылы Пригородный тұрғын алабында орналасқан «Аспан» спорт орталығы пайдалануға берілді. Мемлекет басшысының тапсырмасы бойынша «100 ДСК» құрылысы бойынша Ильинка, Көктал 2, Өндіріс, Железнодорожный тұрғын алаптарында 4 дене шынықтыру-сауықтыру кешенінің құрылысы жоспарланған.

Отырыс барысында мәслихат депутаттары мәдениет және спорт басқармасы басшысының атына көптеген ескертулер мен ұсыныстар айтты. Екі басқарма да карантиннен кейінгі жаз балалар үшін қолайсыз болатынын және аталған фактіні алдағы кезеңге жоспарлау кезінде ескерулері қажет. Балалардың үлкен Спорт сарайларына баруларының мүмкін еместігі туралы мәселе бірнеше рет көтерілді. Алайда сарайларда 100% пайдаланылмайтын бөлмелер көп. Парктердегі тегін секциялар мен үйірмелер, веложолдар санын үнемі арттырып отыру қажет. Басқарма қарт адамдардың бос уақытын өткізуін де назардан тыс қалдырмауы тиіс.

Қалалық мәслихаттың әлеуметтік-мәдени дамыту мәселелері жөніндегі тұрақты комиссиясының төрағасы М. Шайдаров отырыстың қорытындысын шығарды. Қаулы жобасы депутаттардың ұсыныстарын ескере отырып қабылданды.