Мәслихаттың кезектен тыс сессиясы

Бүгін қалалық мәслихаттың кезектен тыс сессиясы өтті, онда Нұр-Сұлтан қаласы «Алматы» ауданының әкімі лауазымына тағайындауға келісім берілді.

Нұр-Сұлтан қаласының әкімі Алтай Сейдірұлы Көлгінов «Алматы» ауданының әкімі лауазымына Бектенбай Тілектесұлы Есполовтың кандидатурасын ұсынды.

Бектенбай Тілектесұлы Есполов 1983 жылы 6 қаңтарда дүниеге келген. 2004 жылы Қазақ халықаралық қатынастар және әлем тілдері университетін бітірген. 2009 жылы – Пекин университеті («Болашақ» бағдарламасының түлегі). Саяси ғылымдарының кандидаты. Марапаттары: «Ерен еңбегі үшін» (2014 жыл), 3 мерейтойлық медаль.

Еңбек жолын Пекин университетін бітіргеннен кейін 2009 жылдың қыркүйегінде Қазақстан Республикасы Президенті Кеңсесінің сарапшысы міндетін атқарушы ретінде бастады. 2009 жылдың желтоқсанында Қазақстан Республикасы Президенті Кеңсесінің сарапшысы болып тағайындалды. 2010 жылдың ақпан айынан бастап Қазақстан Республикасы Президенті Протоколының сарапшысы ретінде жұмыс істеді. 2011 жылдың қараша айында Қазақстан Республикасы Президенті Протоколының кеңесшісі болып тағайындалды. Одан әрі 2012 жылдың тамыз айынан – Қазақстан Республикасы Президенті Протоколы секторының меңгерушісі, 2013 жылдың мамыр айынан – Қазақстан Республикасы Президенті Протоколы бастығының орынбасары. 2018 жылдың желтоқсан айынан бастап қазіргі уақытқа дейін Қазақстан Республикасы Президенті Әкімшілігінің Мемлекеттік бақылау және аумақтық-ұйымдастыру жұмыс бөлімінің Мемлекеттік инспекторы лауазымын атқарды.

Депутаттар Бектенбай Тілектесұлы Есполовты Нұр-Сұлтан қаласы «Алматы» ауданының әкімі лауазымына тағайындауға келісім берді және оған жұмыста табыс тіледі.