Депутаттар «Шанс» орталығына барды

Бүгін қалалық мәслихат хатшысының м.а. Мәжит Шайдаров, мәслихат депутаты Қарақат Әбден мемлекеттік орган өкілдерінің қатысуымен «Шанс» әлеуметтік-психологиялық көмек көрсету орталығында болды.

Кездесу әлеуметтік-мәдени дамыту мәселелері жөніндегі тұрақты комиссияның алдағы отырысы аясында өтті, онда Нұр-Сұлтан қаласында отбасылық және гендерлік саясатты іске асыру мәселелері қаралатын болады.

Комиссия отырыстарын және мәслихат сессияларын өткізу алдында депутаттар күн тәртібіне шығарылған мәселелерді егжей-тегжейлі зерделейді.

Депутаттар тұрмыстық зорлық-зомбылық мәселесін түрлі деңгейде бірнеше рет көтергенін атап өткен жөн. Мәселе кешенді шешімді талап етеді және оң нәтижеге тек мемлекеттік органдар мен азаматтық сектордың күш-жігерін біріктіре отырып қол жеткізуге болады.

Қазір, карантин кезінде тұрмыстық зорлық-зомбылықтан зардап шеккендер санының өсуі байқалады. Күрделі психологиялық кезеңде барлық отбасылық проблемалар өзінің шарықтау шегіне жетеді.

Орталық басшысы Ольга Рыль депутаттарға ұйымның қызметі туралы, Орталық қабырғасында тұрғандар туралы, тұрмыстық зорлық-зомбылықтан зардап шеккендермен жұмыста туындайтын мәселелер туралы айтып берді.

Орталықта тұрмыстық зорлық-зомбылықтан зардап шеккен әйелдерге тәулік бойы психологиялық көмек көрсететін психологтар, заңгерлер жұмыс істейді.

Мәжит Шайдаров пен Қарақат Әбден басшымен әңгімелесу барысында, зардап шеккендермен мәселелер туралы өз пікірлерін айтты, комиссия отырысында әйелдер мен балаларға қатысты тұрмыстық зорлық-зомбылықтың алдын алу бойынша нақты шараларды талқылауды ұсынды.

«Шанс» әлеуметтік-психологиялық көмек орталығына бару барысында көтерілген барлық мәселелер тұрақты комиссияның отырысында қаралатын болады және олар бойынша тиісті шешімдер қабылданатын болады.