Құрметті елорда тұрғындары!
20.03.2020
Еліміздің Президенті Қазақстан аумағында төтенше жағдайды енгізуіне және Қазақстан Республикасы Президенті жанындағы төтенше жағдай режимін қамтамасыз ету жөніндегі мемлекеттік комиссияның Нұр-Сұлтан қаласына карантин енгізу туралы шешіміне байланысты қалалық мәслихат ерекше жұмыс режиміне көшеді.
Әлеуметтік маңызы бар мәселелер бойынша Нұр-Сұлтан қаласы мәслихатының алдағы сессиялары, отырыстары оларға тек депутаттар мен негізгі баяндамашылардың қатысуымен өткізілетін болады.
«Нұр-Сұлтан қаласы мәслихатының аппараты» ММ де ерекше жұмыс режиміне ауыстырылды. 2020 жылғы 19 наурыздан бастап қызметкерлердің бір бөлігі жалақысын сақтай отырып, қашықтықтан жұмыс атқаруда.
Құрметті елорда тұрғындары!
Мәслихаттың жұмыс кестесіне сәйкес Нұр-Сұлтан қала мектептері оқушыларының денсаулығын сақтауды қамтамасыз ету мәселелері бойынша қалалық мәслихаттың кезекті сессиясын өткізу жоспарланған.
Сессия барысында мемлекеттік органдар өкілдерінің, білім беру ұйымдары басшыларының және басқа да жауапты тұлғалардың сөздерін тыңдау жоспарланған болатын.
Қазіргі жағдайды ескере отырып, мәслихат депутаттары балаларымыздың денсаулығын сақтауға қатысты мәселелерді талқылауға барлық жауапты тұлғалар қатысуы үшін аталған іс-шараны өткізуді кешірек мерзімге ауыстыру туралы шешім қабылдады.