Қазақстан Республикасының Парламент Сенатының депутаты Еділ Мамытбеков және Нұр-Сұлтан қаласы мәслихатының депутаттары қалалық балабақшаға және теннис орталығына барып, I-5 ауданының нөсер канализациясының тазарту құрылыстарын қарап тексерді

Қазақстан Республикасының Парламент Сенатының депутаты Еділ Мамытбеков және Нұр-Сұлтан қаласы мәслихатының депутаттары Мажит Шайдаров, Қарақат Абден, Зауре Жусупова, Рәмзия Өмербаева, Сергей Солодовников  қалалық сәбилер балабақшасына және теннис орталығына барып, I-5 ауданының нөсер канализациясының тазарту құрылыстарын қарап тексерді.

Депутаттар нысандарды аралауды «№ 95 сәбилер балабақшасы» МКҚК-нан бастады. Аталған балабақша Алматы қаласының елорданың 20-жылдық мерейтойына орай жасаған сыйы болып табылады. Онда түзету сыныбы және сәбилер үшін ашылған тұздық үңгірі бар. Іс-шара барысында депутаттар сәбилер балабақшасының қызметімен және жабдықталуымен таныстырылыды.

Депутаттар барған келесі нысан – теннис орталығы. Аталған орталықтың ашылуы өткен жылы болды. Оның ішінде 8 теннис корты, сондай-ақ далада орналасқан 5 корт бар. Нысанның құрылысымен нарықта 10 жыл қызмет атқарып жүрген «ВД Строй-Инжиниринг» ЖШС елордалық компаниясы айналысқан. Құрылыс қағидасы канадалықтардан алынған. Себебі оларда дәл осындай теннис корттары бар.

Аралау барысында депутаттар I-5 ауданының нөсер канализациясының тазарту құрылыстарының салынуымен танысты. Аталған құрылысытардың салынуын 2020 жылдың желтоқсан айында бітіру жоспарлануда. Аумағының қамтылуы – Иманов және Республика көшелері. Жобада бар шұңқырдың толтырылуы және кейіннен аббатандыру жұмыстары ескерілген. Аталған аумақта спортпен айналысуға арналған алаңдар, балалар алаңшалары жасалатын болады, тазарту құрылыстарына қызмет көрсетуге арналған жолдар ескерілуде, периметр бойынша жүгіруге арналған жол жобалап қойылған.

Тексеурдің екінші күнінде депутаттар қиын өмірлік жағдайдағы балаларды қолдау жөніндегі орталығында және № 1 арнайы мектеп-интернатында болды. Депутаттарға өзекті мәселелерді хабарлады, айталық мектеп-интернаты 325 баланы оқытуға арналған, қазіргі уақытта оқушылардың нақты саны – 527 адам. Белгілі болғандай, білікті мамандардың жетіспеушілігіне орай, қалалық жалпы білім беру мектептері ерекше балаларды оқытуға дайын емес. Осыған байланысты, Қазақстан Республикасының Парламент Сенатының депутаты Еділ Мамытбеков аталмыш мәселелерді  шешудің қажеттілігі туралы депутаттық сауалды тиісті органдарға жіберетінін атап өтті.