Жұмыс тобының отырысы
21.02.2022
Ағымдағы жылдың 21 ақпанында қалалық мәслихаттың хатшысы Ерлан Каналимовтың қатысуымен Нұр-Сұлтан қаласының Қоғамдық кеңесін қалыптастыру жөніндегі жұмыс тобының отырысы өтті.
Күн тәртібіне жұмыс тобының басшысын сайлау, сандық құрамын айқындау, Қоғамдық кеңес мүшелерін сайлау бойынша конкурс туралы халықты хабардар ету туралы шешім қабылдау мәселелері енгізілді.
Талқылау барысында жұмыс тобының жетекшісі болып Нұр-Сұлтан қаласы Қазақстан халқы Ассамблеясы Аналар кеңесінің төрағасы Танирбергенова Алтынай Мұратжанқызы сайланды.
Сонымен қатар, қалалық Қоғамдық кеңес құрамын 31 мүшеден құру ұсынылды.
22 ақпандағы отырыстың қорытындысы бойынша жұмыс тобы жергілікті баспасөз басылымдарында, әлеуметтік желілерде, қалалық мәслихаттың интернет-ресурсында Қоғамдық кеңес мүшелерін сайлау бойынша конкурс өткізу туралы хабарландыру орналастырады.
Қоғамдық кеңестің құрамына құжаттарды қабылдау ағымдағы жылдың 23 ақпаны мен 9 наурызы аралығында жүзеге асырылады.
Қоғамдық кеңестің сапалы құрамын қалыптастыру, конкурстық іріктеуге ашықтық пен тәуелсіздік беру мақсатында жұмыс тобы әрбір кандидат үшін Бағалау парақтарын әзірлеуді жоспарлап отыр.
Нұр-Сұлтан қаласы мәслихаты хатшысының өкімімен бекітілген Нұр-Сұлтан қаласының Қоғамдық кеңесін қалыптастыру жөніндегі жұмыс тобының құрамы мәслихаттың ресми сайтында орналастырылған: https://maslihat01.kz/kz/news/anonsy/1871.