Астана қаласы мәслихатының Астана қаласы аумақтық сайлау комиссиясының шығып қалған мүшелерінің орнына комиссия мүшелерін сайлау процесінің басталғаны туралы хабарламасы
06.01.2023
«Қазақстан Республикасындағы сайлау туралы» Конституциялық заңның (бұдан әрі – Сайлау туралы Конституциялық заң) 10-бабына сәйкес Астана қаласының мәслихаты (бұдан әрі - Мәслихат) шығып қалған комиссия мүшелерінің орнына аумақтық сайлау комиссиясының құрамына мүшелерді сайлау процесінің басталғаны туралы хабарлайды.
Сайлау туралы Конституциялық заңға сәйкес Мәслихат сайлау комиссияларының өкілеттік мерзімі ішінде олардың құрамына өзгерістер енгізуге құқылы.
Әрбір саяси партия тиісті сайлау комиссиясының құрамына бір кандидатура ұсынуға құқылы.
Саяси партия сайлау комиссиясының құрамына осы саяси партияның мүшелері болып табылмайтын кандидатураларды ұсынуға құқылы.
Саяси партиялардың ұсыныстары болмаған жағдайда мәслихаттар сайлау комиссиясына өзге қоғамдық бірлестіктер мен жоғары тұрған сайлау комиссияларының ұсынысы бойынша сайлайды.
Саяси партиялар, өзге де қоғамдық бірлестіктер, олардың құрылымдық бөлімшелері және құрылатындарға қатысты жоғары тұрған сайлау комиссиялары 2023 жылғы 9-23 қаңтар аралығында мәслихатқа мынадай құжаттарды ұсынады:
1) белгіленген нысан бойынша электрондық және қағаз форматта сайлау комиссияларының құрамына кандидатуралар туралы мәліметтер;
2) саяси партияның, қоғамдық бірлестіктің немесе олардың филиалдарының (өкілдіктерінің) тиісті сайлау комиссиясының құрамына кандидаттарды ұсыну туралы шешімінен үзінді көшірме;
3) саяси партияны, қоғамдық бірлестікті немесе олардың филиалдарын (өкілдіктерін) тіркеу туралы құжаттың көшірмесі;
4) кандидаттардың сайлау комиссиясының жұмысына қатысуға келісімі туралы белгіленген нысан бойынша өтініштері.
Қалалық сайлау комиссиясының құрамына кандидатуралар туралы мәліметтердің, кандидаттардың сайлау комиссияларының жұмысына қатысуға келісімі туралы өтініштің нысандары Мәслихаттың maslihat01.kz сайтында орналастырылған.
Сайлау комиссиясының құрамына ұсынылатын тұлға Орталық сайлау комиссиясының 2022 жылғы 24 желтоқсандағы № 129/624 қаулысымен бекітілген біліктілік талаптарына сәйкес келуі тиіс.
Сайлау комиссиясының мүшесі осы комиссияның құрамын қалыптастырған мәслихат орналасқан әкімшілік-аумақтық бірліктің аумағында тұруға тиіс.
Бір сайлау комиссиясының құрамына жақын туыстар (ата-аналары, балалары, асырап алушылары, асырап алынғандары, ата-анасы бір және ата-анасы бөлек аға-інілері мен апа-сіңлілері, аталары, әжелері, немерелері) немесе жұбайы (зайыбы) кіре алмайды.
Мәслихатқа қағаз форматта ұсынылатын барлық құжаттарға қол қойылуы, мөрмен куәландырылуы және орындалған күні, орындаушы туралы тегі, аты-жөні және телефон нөмірі көрсетілген мәлімет болуы тиіс.
Аумақтық сайлау комиссиясының құрамы бойынша ұсыныстарды қабылдау 2023 жылғы 23 қаңтарға дейін дүйсенбі-жұма күндері сағат 08:30-дан 18:00-ге дейін жүзеге асырылады, үзіліс уақыты сағат 13:00-ден 14:30-ға дейін.
Астана қаласы
мәслихатының төрағасы Е. Каналимов
Мәслихаттың орналасқан жері: Астана қаласы, Бейбітшілік көшесі, 11.
Жауапты тұлға - Төлешова Құмар Сәбитқызы, №219 каб., қалааралық телефон коды (8-717-2), қызметтік телефон нөмірі – 55-66-36, электрондық пошта мекенжайы: maslihat_org@mail.ru
Астана қаласының аумақтық сайлау комиссиясы құрамындағы бос орындар туралы мәліметтер
Реттік № |
Сайлау учаскесінің нөмірі |
Сайлау комиссиясының орналасқан жері (мекенжайы, сайлау комиссиясы орналасқан ғимарат) |
Сайлау комиссиясының шығып қалған мүшелерінің саны |
Аумақтық сайлау комиссиясы |
|||
1. |
- |
Астана қ., Бейбітшілік көшесі, 11, 102-каб |
3 |