Астана қаласы тұрғындарының және қалалық мәслихаттың жетінші сайланымының депутаттарының назарына!
02.12.2022
2022 жылғы 14 желтоқсанда сағат 10:00 Астана қаласы мәслихатының жетінші сайланымының кезекті сессиясы шақырылады.
Сессияның қарауына келесі мәселелер енгізіледі:
- Астана қаласының 2023-2025 жылдарға арналған бюджетінің жобасы туралы.
- Астана қаласы мәслихаты хатшысының 2021 жылы атқарған жұмыстары туралы есебі.
- Астана қаласы мәслихатының құрылыс, экология, көлік, сауда және тұрғын үй - коммуналдық шаруашылық мәселелері жөніндегі тұрақты комиссиясының есебі.
- Астана қаласының кейбір құрамдас бөліктеріне атау беру және қайта атау туралы.
- Астана қаласында жаңа аудан құру және аудандардың шекараларын белгілеу туралы.
- Астана қаласындағы шетелдіктер үшін 2023 жылға арналған туристік жарнаның мөлшерлемелерін бекіту туралы.
- Астана қаласы мәслихатының 2017 жылғы 17 наурыздағы № 115/17-VI «Нұр-Сұлтан қаласының мүгедектер қатарындағы мүмкіндігі шектеулі балаларды үйде оқытуға жұмсаған шығындарын өндіріп алу тәртібі мен мөлшері туралы» шешіміне өзгерістер мен толықтыру енгізу туралы.
- Жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару шарттарының жобаларын келісу туралы.
- Астана қаласы әкімдігінің жанындағы Халықты жұмыспен қамту мәселелері жөніндегі ведомствоаралық комиссиясының құрамы туралы.
- Астана қаласының жоғары оқу орындарында күндізгі оқу ақысын төлеу үшiн азаматтардың жекелеген санаттарына әлеуметтiк көмек тағайындау жөніндегі комиссиясының құрамы туралы.
- Астана қаласына шетелдiк жұмыс күшiн тартуға рұқсат беру жөнiндегi комиссиясының құрамы туралы.
- Астана қаласында мүгедектердің құқықтарын қамтамасыз ету және өмір сүру сапасын жақсарту жөніндегі Үйлестіру кеңесінің құрамы туралы.
- Астана қаласы әкімдігінің жанынан тұрғын үй қорын реновациялау жобасын іске асыру жөніндегі комиссиясының құрамы туралы.
- «Нұр-Сұлтан қаласы әкімдігінің жанындағы Тұрғын үй комиссиясының құрамы туралы» Нұр-Сұлтан қаласы мәслихатының 2021 жылғы 30 желтоқсандағы №130/18-VII шешіміне өзгерістер енгізу туралы.
- «Нұр-Сұлтан қаласы әкімдігінің жанындағы ипотекалық тұрғын үй қарызын (ипотекалық қарызды) қайта қаржыландырудан бас тартылған қарыз алушылардың шағымдарын қарау жөніндегі комиссиясының құрамы туралы» Нұр-Сұлтан қаласы мәслихатының 2022 жылғы 25 мамырдағы №187/25-VII шешіміне өзгерістер енгізу туралы.
- Астана қаласы мәслихатының 2023 жылға арналған жұмыс жоспары туралы.
- Қалалық мәслихаттың сессияларында айтылған сын-ескертпелер мен ұсыныстардың орындалу барысы туралы.
- Астана қаласы мәслихатының кезекті сессиясына қарауға енгізілетін негізгі мәселелер туралы.
Астана қаласы
мәслихатының хатшысы Е. Каналимов
Анықтама телефондары: 55-66-36, 55-66-35.